India vs Bangladesh 1st Test: चेन्नई कसोटीत टीम इंडिया रचणार इतिहास, 92 वर्षात पहिल्यांदाच घडणार असे
पहिला सामना 19 सप्टेंबरपासून सुरू होणार आहे. हा सामना चेन्नईच्या मैदानावर होणार आहे, जिथे टीम इंडियाला इतिहास रचण्याची संधी आहे. टीम इंडियाने बांगलादेशविरुद्धची पहिली कसोटी जिंकताच टीम इंडियाच्या नावावर असा विक्रम नोंदवला गेला, जो गेल्या 92 वर्षात घडला नाही.
चेन्नई: भारत आणि बांगलादेश यांच्यातील दोन सामन्यांच्या कसोटी मालिकेतील पहिला (IND vs BAN 1st Test) सामना 19 सप्टेंबरपासून सुरू होणार आहे. हा सामना चेन्नईच्या मैदानावर होणार आहे, जिथे टीम इंडियाला इतिहास रचण्याची संधी आहे. टीम इंडियाने बांगलादेशविरुद्धची पहिली कसोटी जिंकताच टीम इंडियाच्या नावावर असा विक्रम नोंदवला गेला, जो गेल्या 92 वर्षात घडला नाही. भारतीय संघाने 1932 मध्ये कसोटी पदार्पण केले. तेव्हापासून टीम इंडियाने 579 सामने खेळले आहेत. ज्यामध्ये 178 सामने जिंकले आणि 178 हरले, तर एकूण 222 सामने अनिर्णित राहिले. टीम इंडियाने बांगलादेशला पहिल्या कसोटीत पराभूत केल्यास संघाच्या नावावर एक विशेष विक्रम नोंदवला जाईल.
कसोटीतील पराभवांच्या संख्येच्या बाबतीत टीम इंडिया प्रथमच मागे पडेल
जर भारतीय क्रिकेट संघ बांगलादेशला पहिल्या कसोटी सामन्यात पराभूत करण्यात यशस्वी ठरला तर हा भारताचा कसोटीतील 179 वा विजय असेल. टीम इंडिया 1932 नंतर प्रथमच कसोटी क्रिकेटच्या इतिहासात पराभवाचा आकडा पार करेल. टीम इंडिया 92 वर्षांनंतर ही कामगिरी करेल. यासह टीम इंडिया कसोटीत सर्वाधिक सामने जिंकणाऱ्या दक्षिण आफ्रिकेच्या बरोबरी (179 विजय) चौथ्या स्थानावर पोहोचेल. (हे देखील वाचा: Teams With Most Wins in Test Cricket: कसोटी क्रिकेटमध्ये सर्वाधिक सामने जिंकणारे टॉप 5 संघ, टीम इंडिया आहे 'या' स्थानावर)
आकडेवारीच टीम इंडिया वरचढ
बांगलादेशविरुद्ध टीम इंडियाचा रेकॉर्ड उत्कृष्ट आहे. भारत आणि बांगलादेश यांच्यात 13 कसोटी सामने खेळले गेले आहेत, ज्यामध्ये टीम इंडियाने 11 सामने जिंकले आहेत. दोन सामने अनिर्णित राहिले. बांगलादेशला अजूनही भारताविरुद्धच्या कसोटीत पहिल्या विजयाची प्रतीक्षा आहे.
भारतीय संघ:
रोहित शर्मा (कर्णधार), यशस्वी जैस्वाल, शुभमन गिल, विराट कोहली, केएल राहुल, सर्फराज खान, ऋषभ पंत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, रवींद्र जडेजा, अक्षर पटेल, कुलदीप यादव, मोहम्मद सिराज, आकाश दीप, जसप्रीत बुमराह, यश दयाल
बांगलादेश संघ:
नजमुल हुसेन शांतो (कर्णधार), महमुदुल हसन जॉय, झाकीर हसन, शादमान इस्लाम, मोमिनुल हक, मुशफिकुर रहीम, शकीब अल हसन, लिटन दास, मेहदी हसन मिराज, तैजुल इस्लाम, नईम हसन, नाहिद राणा, हसन महमूद, तस्किन अहमद, सय्यद. खालिद अहमद, झेकर अली आणिक
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)