T20 World Cup 2021, IND vs PAK: शाहीन आफ्रिदी याच्या एका चुकीने टीम अभिनेता अक्षय कुमार सह टीम इंडिया चाहत्यांनी केला टाळ्यांचा गजर, पहा VIDEO
भारत आणि पाकिस्तान संघात टी-20 विश्वचषकचा मनोरंजक सामना पाहायला मिळत आहे. पाकिस्तानचा स्टार वेगवान गोलंदाज शाहीन शाह आफ्रिदीने डावाच्या 19 व्या ओव्हरमध्ये एक मोठी चूक केली ज्यामुळे दुबई स्टेडियममध्ये उपस्थित अक्षय कुमार यांच्यासह स्टेडियममध्ये उपस्थित भारतीय चाहत्यांच्या चेहऱ्यावर हसू फुलले आणि त्यांनी टाळ्यांचा गजर केला.
भारत ((India) आणि पाकिस्तान (Pakistan) संघात टी-20 विश्वचषकचा (T20 World Cup) मनोरंजक सामना पाहायला मिळत आहे. दुबई (Dubai) आंतरराष्ट्रीय क्रिकेट स्टेडियमवर सुरु असलेल्या या सामन्यात कर्णधार विराट कोहलीच्या (Virat Kohli) 57 धावांच्या अर्धशतकी खेळीच्या जोरावर टीम इंडियाने सात विकेट गमावून 151 धावांपर्यंत मजल मारली. भारताच्या या आश्वासक धावसंख्येत पाकिस्तानचा स्टार वेगवान गोलंदाज शाहीन आफ्रिदीने (Shaheen Afridi) देखील मोलाचे योगदान दिले. आफ्रिदीने सुरुवातीला रोहित शर्मा व केएल राहुल या सलामी जोडीला स्वस्तात बाद करून भारताला जबरदस्त झटका दिला. त्यानंतर मोक्याच्या क्षणी त्याने कोहलीला देखील आऊट करून माघारी धाडलं. टी-20 विश्वचषक स्पर्धेत भारतीय कर्णधार विराटला बाद करणारा तो पहिलाच पाकिस्तानी गोलंदाज ठरला आहे. पण डावाच्या 19 व्या ओव्हरमध्ये एक मोठी चूक केली ज्यामुळे दुबई स्टेडियममध्ये उपस्थित भारतीय संघाच्या चाहत्यांच्या चेहऱ्यावर हसू फुलले आणि त्यांनी टाळ्यांचा गजर केला. (T20 WC 2021, IND vs PAK: दुबईत Virat Kohli पुढे पाकिस्तानी गोलंदाज हतबल, पण Shaheen Afridi ने काढला ‘रनमशीन’चा तोडगा)
भारत आणि पाकिस्तान यांच्यातील चुरशीच्या सामन्याची चाहते आतुरतेने वाट पाहत होते. यामध्ये अनेक प्रसिद्ध व्यक्तींचाही समावेश होता. आजचा क्रिकेट विश्वातील या कट्टर प्रतिस्पर्धी संघातील सामना पाहण्यासाठी बॉलीवूड अभिनेता अक्षय कुमार, अभिनेत्री रौतेला देखील दुबईत उपस्थित होते. या सामन्यात टीम इंडिया नियमित अंतराने विकेट गमावत असल्याने चाहत्यांची निराशा झाली, पण विराट कोहली एकाबाजूने तग धरून खेळत राहिला ज्याने संघाला थोडा दिलासा मिळाला. टी-20 विश्वचषक सुपर 12 च्या लढतीत भारतीय डावाच्या अंतिम षटकात आफ्रिदीने शानदार गोलंदाजी केली पण अखेरीस त्याच्या एका ओव्हरथ्रोमुळे भारतीय संघाला चौकार आणि एक लेग-बाय असे एकूण पाच अधिक धावा मिळाल्या. आफ्रिदीच्या या चुकीमुळे बीसीसीआय सचिव जय शाह, अभिनेता अक्षय कुमार यांच्यासह स्टेडियममध्ये उपस्थित भारतीय चाहत्यांनी जोरजोरात टाळ्यांचा गजर करत आनंद साजरा केला.
दरम्यान आजच्या सामन्यात कोहलीने एकहाती झुंज देत 49 चेंडूत 57 तर पंतने 39 धावा करत डाव सावरला. पाकिस्तानसाठी शाहीन आफ्रिदीने सर्व महत्त्वाच्या विकेट घेतल्या. यामध्ये रोहित शर्मा, सूर्याकुमार यादव आणि विराटचा समावेश आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)