Women's Pink-Ball Test: ‘मी विचारही केला नव्हता’, ऑस्ट्रेलिया दौर्‍यावर डे-नाईट कसोटी सामना खेळण्यावर Smriti Mandhana चा मोठा खुलासा

Women's Pink-Ball Test: कसोटी क्रिकेटला नवा आयाम देण्यासाठी आणि मैदानावर अधिकाधिक प्रेक्षक यावेत म्हणून डे-नाईट फॉरमॅट आणला गेला. भारतीय महिला संघाला (India Women's Cricket Team) हा सामना खेळायला बरीच वाट पाहावी लागली. अखेरीस, काही दिवसांपूर्वी बीसीसीआयने (BCCI) सप्टेंबर महिन्यात संघाच्या ऑस्ट्रेलिया दौऱ्यावर पिंक-बॉल कसोटी सामन्याची घोषणा केली. आपल्या संघाला डे-नाईट कसोटी (Day-Night Test) सामना खेळण्याची संधी मिळेल असा मी कधी विचारही केला नव्हता, असं भारतीय महिला संघाची ओपनर स्मृती मंधाना (Smriti Mandhana) म्हणाली. पुढच्या महिन्यात इंग्लंडमधील ड्यूक्स बॉलने खेळण्यावर लक्ष केंद्रित करणे हे त्याचे तत्कालीन कार्य असूनही यंदा ऑस्ट्रेलियामध्ये डे-नाईट कसोटी खेळण्याबद्दल संघ उत्सुक असल्याचे मंधानाने सांगितले. (India Tour of Australia 2021: पर्थच्या WACA स्टेडियमवर रंगणार भारत-ऑस्ट्रेलिया महिला संघात ऐतिहासिक पिंक-बॉल टेस्ट, CA कडून वेळापत्रक घोषित)

भारतीय संघ इंग्लंडविरुद्ध 16 ते 20 जून दरम्यान ब्रिस्टल येथे एक-कसोटी सामना खेळणार असून त्यानंतर तीन वनडे आणि तीन सामन्यांची टी-20 मालिका रंगणार आहे. त्यानंतर, संघ सप्टेंबर-ऑक्टोबरमध्ये ऑस्ट्रेलियाचा दौरा करेल जिथे ते 30 सप्टेंबर ते 4 ऑक्टोबर दरम्यान पर्थ येथे गुलाबी बॉल टेस्ट खेळेल. “खरं सांगायचं तर जेव्हा मी पुरुषांची डे-नाईट टेस्ट पाहत होते तेव्हा मला हा क्षण अनुभवता येईल, - या क्षणी 'मी' असे म्हणणे चुकीचे आहे - भारतीय महिला संघ कधी डे नाईट कसोटी सामन्याचा अनुभव घेईल असं मला कधीच वाटलं नव्हतं,” स्मृतीने espncricinfo.com ला सांगितले. “म्हणून, जेव्हा ते जाहीर झाले तेव्हा मी असे होतो, 'अरे, व्वा. हे विलक्षण ठरणार आहे.' आता आम्ही एक डे-नाईट सामना खेळणार आहोत, [आम्हाला] बर्‍याच गोष्टींवर काम करायचं आहे [परंतु] बर्‍यापैकी उत्साह आहे…डे-नाईट कसोटी सामन्यात भाग घेतल्याबद्दल उत्सुकता, आणि तेही ऑस्ट्रेलियाविरुद्ध ऑस्ट्रेलियामध्ये; हे नेहमीच एक चांगले आव्हान असेल. भारतीय महिला क्रिकेट संघासाठी हा एक चांगला क्षण ठरणार आहे,” 2014 मध्ये दोन्ही कसोटी सामने खेळलेल्या 24-वर्षीय क्रिकेटरने सांगितले.

स्मृतीने वर्म्सली येथे ऑगस्ट 2014 मध्ये इंग्लंडविरुद्ध कसोटी सामन्यात प्रवेश केला होता आणि त्यानंतर स्मृती तीन महिन्यांनंतर मैसूर येथे दक्षिण आफ्रिका विरोधात खेळली जे दोन्ही सामने भारताने जिंकले.

(The above story first appeared on LatestLY on May 27, 2021 10:28 AM IST. For more news and updates on politics, world, sports, entertainment and lifestyle, log on to our website latestly.com).