Shivalik Sharma Booked for Rape: मुंबई इंडियन्स संघाचा माजी खेळाडू शिवालिक शर्मावर जोधपूरमध्ये बलात्काराचा गुन्हा दाखल; लग्नाच्या बहाण्याने फसवणूक केल्याचा तरुणीचा आरोप
आरोप करणारी तरुणी जोधपूरमधील कुडी बहगत्सानी परिसरातील रहिवासी आहे. तिच्या तक्रारीनुसार, ती आणि शिवालिक यांची ओळख फेब्रुवारी 2023 मध्ये बडोदा येथे झाली. दोघांमध्ये मैत्री वाढली आणि वारंवार फोनवर संभाषण होऊ लागले. ऑगस्ट 2023 मध्ये दोन्ही कुटुंबांनी जोधपूरमध्ये भेट घेऊन साखरपुड्याचा समारंभ पार पाडला.
भारतीय क्रिकेट विश्वातून एक गंभीर बातमी समोर आली आहे. इंडियन प्रीमियर लीग (IPL) मधील मुंबई इंडियन्स संघाचा माजी खेळाडू आणि बडोदा येथील क्रिकेटपटू शिवालिक शर्मा (Shivalik Sharma) याच्यावर जोधपूर, राजस्थान येथे बलात्काराचा गंभीर आरोप ठेवण्यात आला आहे. एका तरुणीने शिवालिकवर लग्नाचे आमिष दाखवून शारीरिक संबंध ठेवल्याचा आरोप केला असून, याप्रकरणी जोधपूरमधील कुडी भगतासनी पोलीस ठाण्यात 2 जानेवारी 2025 रोजी एफआयआर दाखल करण्यात आली आहे. या प्रकरणामुळे क्रिकेट विश्वात खळबळ उडाली असून, शिवालिकच्या क्रिकेट कारकीर्दीवर प्रश्नचिन्ह निर्माण झाले आहे.
शिवालिक शर्मा हा गुजरातमधील बडोदा येथील 26 वर्षीय क्रिकेटपटू आहे, जो आपल्या डावखुऱ्या फलंदाजी आणि लेग-स्पिन गोलंदाजीसाठी ओळखला जातो. त्याने 2018 मध्ये बडोदा संघाकडून प्रथम श्रेणी क्रिकेटमध्ये पदार्पण केले आणि 2023 च्या सय्यद मुश्ताक अली ट्रॉफीमधील प्रभावी कामगिरीमुळे त्याला आयपीएल 2024 साठी मुंबई इंडियन्स संघात स्थान मिळाले. मात्र, त्याला एकही सामना खेळण्याची संधी मिळाली नाही.
आता आरोप करणारी तरुणी जोधपूरमधील कुडी बहगत्सानी परिसरातील रहिवासी आहे. तिच्या तक्रारीनुसार, ती आणि शिवालिक यांची ओळख फेब्रुवारी 2023 मध्ये बडोदा येथे झाली. दोघांमध्ये मैत्री वाढली आणि वारंवार फोनवर संभाषण होऊ लागले. ऑगस्ट 2023 मध्ये दोन्ही कुटुंबांनी जोधपूरमध्ये भेट घेऊन साखरपुड्याचा समारंभ पार पाडला. तक्रारदार तरुणीचा दावा आहे की, साखरपुड्यानंतर शिवालिकने लग्नाचे वचन देऊन तिच्याशी अनेकदा शारीरिक संबंध ठेवले.
तक्रारीनुसार, साखरपुड्यानंतर शिवालिक मे 2024 मध्ये जोधपूरला तिच्या घरी आला आणि तिथे राहिला. या काळात दोघांमध्ये शारीरिक संबंध निर्माण झाले. त्यानंतर दोघे जयपूर, दौसा आणि उज्जैन येथे फिरण्यासाठी गेले. दोन्ही कुटुंबांनी 6 फेब्रुवारी 2025 रोजी लग्नाची तारीख निश्चित केली होती. मात्र, ऑगस्ट 2024 मध्ये शिवालिकने तरुणीला बडोदा येथे बोलावले आणि त्याच्या पालकांनी साखरपुडा मोडला. पालकांनी ‘शिवालिक क्रिकेटपटू आहे आणि त्याला इतरत्रूनही प्रस्ताव येत आहेत’, असे सांगून लग्नाला नकार दिला. यामुळे दुखावलेल्या तरुणीने जोधपूर पोलिसांकडे धाव घेतली आणि शिवालिकवर बलात्काराचा आरोप करणारी एफआयआर दाखल केला. (हेही वाचा: England मध्ये महिला आणि लहान मुलींच्या क्रिकेटमध्ये खेळण्यास ट्रान्सजेंडरना बंदी; ECBचा मोठा निर्णय)
तरुणीचा दावा आहे की, शिवालिकने लग्नाचे खोटे आश्वासन देऊन तिचा विश्वासघात केला आणि तिच्याशी शारीरिक संबंध ठेवले. तिने आपला वैद्यकीय तपासणी अहवाल आणि कोर्टात जबाब नोंदवला आहे, ज्यामुळे पोलिसांनी शिवालिकच्या नावे गुन्हा दाखल केला. जोधपूरच्या पोलीस ठाण्याचे प्रभारी आणि सहाय्यक पोलीस आयुक्त (ACP) आनंद सिंह यांनी या प्रकरणाची पुष्टी केली आहे. त्यांनी सांगितले की, तरुणीच्या तक्रारीनंतर तिचा वैद्यकीय अहवाल आणि BNSS कलम 180 अंतर्गत कोर्टात जबाब नोंदवण्यात आला आहे. पोलिसांनी साक्षीदारांचे जबाबही नोंदवले असून, शिवालिक शर्माला अटक करण्यासाठी शोधमोहीम सुरू आहे. आनंद सिंह यांनी पत्रकारांना सांगितले की, शिवालिक लवकरच अटक होऊ शकतो.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)