Scotland Women Beat Pakistan Women, 1st Match Scorecard: स्कॉटलंडने पहिल्या सराव सामन्यात केला मोठा अपसेट, पाकिस्तानचा 8 गडी राखून पराभव , सारा ब्राइसची 60 धावांची तुफानी खेळी
स्कॉटलंडच्या गोलंदाजांनी उत्कृष्ट गोलंदाजीचे प्रदर्शन केले. स्कॉटलंडकडून कर्णधार कॅथरीन ब्राइसने सर्वाधिक तीन बळी घेतले. कर्णधार कॅथरीन ब्राइसशिवाय ऑलिव्हिया बेल आणि अबता मकसूदने प्रत्येकी दोन बळी घेतले.
Scotland Women National Cricket Team vs Pakistan Women National Cricket Team, ICC Womens T20 World Cup Warm-up Matches, 2024 1st Match: ICC महिला T20 विश्वचषक (ICC Women's T20 World Cup 2024) 3 ऑक्टोबरपासून सुरू होत आहे. महिला टी-20 विश्वचषक सलग दुसऱ्या वर्षी आयोजित केला जात आहे. यावर्षी ही स्पर्धा संयुक्त अरब अमिरातीमध्ये आयोजित केली जाणार आहे. स्पर्धेचा हा नववा हंगाम 3 ते 20 ऑक्टोबर दरम्यान दुबई आणि शारजाह येथे खेळवला जाईल. दरम्यान, आजपासून या स्पर्धेचे सराव सामने खेळवले जात आहेत. सरावाचा पहिला सामना स्कॉटलंड महिला राष्ट्रीय क्रिकेट संघ विरुद्ध पाकिस्तान महिला राष्ट्रीय क्रिकेट संघ यांच्यात खेळला गेला. उभय संघांमधील हा सामना दुबईतील द सेव्हन्स स्टेडियमवर खेळला गेला. या सामन्यात स्कॉटिश संघाने मोठा अपसेट केला आहे. स्कॉटलंड संघाने पाकिस्तानचा आठ गडी राखून पराभव केला आहे. (हेही वाचा - Sri Lanka Women Beat Bangladesh Women: दुसऱ्या सराव सामन्यात श्रीलंकेचा बांगलादेशवर 34 धावांनी विजय; सुगंधिका कुमारीचे 3 विकेट )
पहिल्या सराव सामन्यात पाकिस्तानची कर्णधार फातिमा सना हिने नाणेफेक जिंकून प्रथम फलंदाजी करण्याचा निर्णय घेतला. नाणेफेक जिंकून प्रथम फलंदाजीसाठी आलेल्या पाकिस्तान संघाची सुरुवात चांगली झाली नाही आणि अवघ्या 33 धावा करून संघाचे चार फलंदाज पॅव्हेलियनमध्ये परतले. पाकिस्तान संघाला निर्धारित 20 षटकात 9 विकेट गमावून केवळ 132 धावा करता आल्या. पाकिस्तानकडून ओमामा सोहेलने 30 धावांची शानदार खेळी केली. ओमामा सोहेलशिवाय मुनिबा अलीने 27 धावा केल्या.
पाहा पोस्ट -
हा सामना जिंकण्यासाठी स्कॉटिश संघाला 20 षटकात 132 धावा करायच्या होत्या.
लक्ष्याचा पाठलाग करण्यासाठी आलेल्या स्कॉटिश संघाची सुरुवात चांगली झाली आणि पहिल्या विकेटसाठी दोन्ही सलामीवीरांनी आक्रमक फलंदाजी करत 78 धावांची भागीदारी रचली. स्कॉटिश संघाने अवघ्या 18 षटकांत दोन गडी गमावून लक्ष्य गाठले. स्कॉटलंडसाठी सलामीवीर सारा ब्राइसने सर्वाधिक नाबाद 60 धावांची खेळी खेळली. या खेळीदरम्यान सारा ब्राईसने दोन षटकार आणि तीन चौकार लगावले. सारा ब्राइसशिवाय सास्किया हॉर्लेने 48 धावा केल्या. पाकिस्तानकडून नशरा संधूला एक विकेट मिळाली.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)