Rishabh Pant Record: बंगळुरू कसोटीत ऋषभ पंतने केली मोठी कामगिरी, भारताच्या महान कर्णधाराचा विक्रम काढला मोडीत
चौथ्या दिवशी टीम इंडियाचा डाव सुरू असताना पंत सरफराज खानसोबत फलंदाजीला आला आणि त्याच्यासोबत त्याने आतापर्यंत उत्कृष्ट फलंदाजी दाखवली आहे. पावसामुळे खेळ थांबला तोपर्यंत पंतने 56 चेंडूत 53 धावांची खेळी केली होती.
IND vs NZ 1st Test 2024: बंगळुरू कसोटी सामन्यात दुखापत झाल्यानंतर चौथ्या दिवशी भारतीय संघाचा यष्टीरक्षक फलंदाज ऋषभ पंत (Rishabh Pant) फलंदाजीला आला तेव्हा त्याने आपल्या बॅटने मोठी कामगिरी केली. पंतला न्यूझीलंडविरुद्धच्या सामन्याच्या दुसऱ्या दिवशी विकेट कीपिंग करताना त्याच्या गुडघ्याला दुखापत झाली, त्यानंतर त्याने मैदान सोडले. तिसऱ्या दिवशीही त्याच्या जागी ध्रुव जुरेलने यष्टिरक्षणाची जबाबदारी स्वीकारली. हे देखील वाचा: IND A vs PAK A Emerging Asia Cup 2024 Live Streaming: आज भारत-पाकिस्तान क्रिकेटच्या मैदानावर येणार आमनेसामने, जाणून घ्या कधी अन् कुठे पाहणार लाइव्ह
कपिल देवचा विक्रम काढला मोडीत
चौथ्या दिवशी टीम इंडियाचा डाव सुरू असताना पंत सरफराज खानसोबत फलंदाजीला आला आणि त्याच्यासोबत त्याने आतापर्यंत उत्कृष्ट फलंदाजी दाखवली आहे. पावसामुळे खेळ थांबला तोपर्यंत पंतने 56 चेंडूत 53 धावांची खेळी केली होती. यावेळी त्याने तीन षटकारही ठोकले, ज्याच्या जोरावर त्याने भारतीय संघाचा महान माजी कर्णधार कपिल देवचा मोठा विक्रम मोडीत काढला.
कसोटी क्रिकेटमध्ये षटकार मारण्याच्या बाबतीत पंत आता सहाव्या स्थानावर
बंगळुरू कसोटी सामन्यात, ऋषभ पंतने दुसऱ्या डावात आतापर्यंत तीन षटकार ठोकले आहेत, ज्यामुळे तो आता कसोटी क्रिकेटमध्ये भारतासाठी सर्वाधिक षटकार मारण्याच्या बाबतीत सहाव्या स्थानावर पोहोचला आहे. पंतने या बाबतीत कपिल देवला मागे टाकले आहे, ज्यांनी 131 कसोटी सामन्यांमध्ये एकूण 61 षटकार मारले होते. तर पंतच्या नावावर आतापर्यंत 62 षटकार नोंदवले गेले आहेत. या यादीत वीरेंद्र सेहवाग पहिल्या स्थानावर आहे, ज्याने कसोटी क्रिकेटमध्ये 103 सामन्यात 90 षटकार ठोकले आहेत.
भारतासाठी कसोटी क्रिकेटमध्ये सर्वाधिक षटकार ठोकणारे खेळाडू
वीरेंद्र सेहवाग - 90
रोहित शर्मा – 88
एमएस धोनी - 78
सचिन तेंडुलकर - 69
रवींद्र जडेजा - 66
ऋषभ पंत - 62
डिव्हिलियर्सचा विक्रम मोडण्याच्या अगदी जवळ
कसोटी क्रिकेटमध्ये सर्वाधिक षटकार मारण्याच्या बाबतीत ऋषभ पंत सध्या 28व्या स्थानावर आहे, तर बंगळुरू कसोटी सामन्यात जर त्याने त्याच्या डावात आणखी 3 षटकार मारले तर तो कार्ल हूपर आणि एबी डिव्हिलियर्स या दोघांनाही मागे टाकू शकेल. तर ऋषभ पंतने वर्ल्ड टेस्ट चॅम्पियनशिपच्या इतिहासात आतापर्यंत एकूण 45 षटकार ठोकले आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)