WPL 2023, RCB vs MI Live Streaming: आजच्या सामन्यात भिडणार RCB आणि MI, जाणून घ्या कधी आणि कुठे पाहणार सामना?
महिला आयपीएल 2023 च्या हंगामात मुंबई इंडियन्सने शानदार सुरुवात केली आहे. त्याचवेळी आरसीबी प्लेऑफच्या शर्यतीतून बाहेर पडला आहे. हा सामना दोन्ही संघांचा शेवटचा सामना आहे. आज मुंबई इंडियन्स आणि आरसीबी यांच्यात होणार्‍या सामन्यात कडवी झुंज पाहायला मिळणार आहे.
महिला प्रीमियर लीग 2023 (WPL 2023) मधील 19 वा सामना आज म्हणजेच 21 मार्च रोजी खेळवला जाईल. हा सामना मुंबई इंडियन्स आणि रॉयल चॅलेंजर्स बंगळुरू (RCB) यांच्यात दुपारी 3.30 पासून होणार आहे. महिला आयपीएल 2023 च्या हंगामात मुंबई इंडियन्सने शानदार सुरुवात केली आहे. त्याचवेळी आरसीबी प्लेऑफच्या शर्यतीतून बाहेर पडला आहे. हा सामना दोन्ही संघांचा शेवटचा सामना आहे. आज मुंबई इंडियन्स आणि आरसीबी यांच्यात होणार्‍या सामन्यात कडवी झुंज पाहायला मिळणार आहे. या सामन्यात मुंबईचा संघ विजय मिळवून गुणतालिकेत अव्वल स्थान मिळवण्याकडे लक्ष देईल. त्याचबरोबर या मोसमाचा शेवट विजयाने करण्याच्या इराद्याने आरसीबी संघ मैदानात उतरणार आहे. एकीकडे मुंबई इंडियन्सची कर्णधार हरमनप्रीत कौर असेल तर दुसरीकडे रॉयल चॅलेंजर्स बंगळुरूची कर्णधार स्मृती मानधना असेल.
मुंबई इंडियन्सविरुद्धच्या आजच्या सामन्यात आरसीबीची नजर विजयाकडे असेल. शनिवारी झालेल्या सामन्यात आरसीबीने गुजरात जायंट्सचा 8 गडी राखून पराभव केला. दुसरीकडे, आरसीबी संघ त्यांच्या शेवटच्या सामन्यात मैदानात उतरेल तेव्हा त्यांच्या नजरा या स्पर्धेतील तिसऱ्या विजयावर असतील. या सामन्यात टीम इंडियाचा कर्णधार आणि उपकर्णधार यांच्यात जोरदार लढत होणार आहे. (हे देखील वाचा: IND vs AUS 3rd ODI: सूर्याऐवजी हे धडाकेबाज खेळाडू संघात होऊ शकतात सामील, एकाची सरासरी विराट कोहलीपेक्षा आहे जास्त)
कुठे पाहणार सामना?
Viacom-18 ने महिला प्रीमियर लीगच्या सर्व सामन्यांचे डिजिटल आणि टीव्ही प्रसारण हक्क विकत घेतले आहेत. अशा परिस्थितीत सर्व सामन्यांचे थेट प्रक्षेपण व्हायकॉम-18 च्या स्पोर्ट्स चॅनेल 'स्पोर्ट्स-18 1', 'स्पोर्ट्स-18 1एचडी' आणि 'स्पोर्ट्स-18 खेल' या वाहिन्यांवर केले जाईल. चाहत्यांना Jio Cinema अॅपवर या सामन्यांचे लाइव्ह स्ट्रीमिंगही पाहता येणार आहे.
महिलांनाही स्टेडियममध्ये प्रवेश विनामूल्य
मुंबईतील ब्रेबॉर्न स्टेडियमला भेट देऊनही क्रिकेट चाहत्यांना हा सामना पाहता येईल. महिला प्रीमियर लीगच्या सर्व सामन्यांसाठी महिला आणि मुलींसाठी प्रवेश विनामूल्य आहे. पुरुषांसाठी सामन्याची तिकिटेही खूप स्वस्त आहेत. नवी मुंबईतील डी.वाय.पाटील स्पोर्ट्स अकादमीमध्ये केवळ 100 रुपयांमध्ये, कोणताही पुरुष क्रिकेट चाहता या सामन्याचा आनंद घेऊ शकतो.
दोन्ही संघांची संभाव्य प्लेइंग इलेव्हन
मुंबई इंडियन्स: यास्तिका भाटिया (विकेटकीपर), हेली मॅथ्यूज, नॅट सायव्हर-ब्रंट, हरमनप्रीत कौर (क), अमेलिया केर, अमनजोत कौर, पूजा वस्त्राकर, हुमैरा काझी, इस्सी वोंग, जिंतिमनी कलिता, सायका इशाक.
RCB: स्मृती मानधना (क), सोफी डिव्हाईन, हीदर नाइट, दिशा कसाट, एलिस पेरी, रिचा घोष (विकेटकीपर), कनिका आहुजा, आशा शोभना, प्रीती बोस, मेगन शुट, रेणुका ठाकूर.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)