Ravindra Jadeja Test Stats In England: इंग्लंडमध्ये रवींद्र जडेजाची कामगिरी 'अशी' आहे; आकडेवारीवर नजर टाका
टीम इंडियाचा अनुभवी गोलंदाज रवींद्र जडेजा इंग्लंडविरुद्धच्या पाच सामन्यांच्या कसोटी मालिकेत आपल्या फिरकीची जादू दाखवण्यास उत्सुक आहे. शुभमन गिलच्या नेतृत्वाखाली 18 सदस्यीय संघ इंग्लंडला पोहोचला आहे.
England National Cricket Team vs India National Cricket Team, Test Series 2025: इंग्लंडच्या राष्ट्रीय क्रिकेट संघ आणि भारताच्या राष्ट्रीय क्रिकेट संघामधील पाच सामन्यांची कसोटी मालिका (England vs India Test Series 2025)20 जूनपासून सुरू होणार आहे. दोन्ही संघांमधील कसोटी मालिका 20 जून ते 4 ऑगस्ट दरम्यान खेळली जाईल. ही मालिका पाच सामन्यांची असेल आणि यासोबतच टीम इंडिया आणि इंग्लंडचे संघ आयसीसी वर्ल्ड टेस्ट चॅम्पियनशिप (ICC WTC) च्या नवीन हंगामाची सुरुवात करणार आहेत. टीम इंडिया जून महिन्यात इंग्लंड दौऱ्यावर जाणार आहे जिथे दोन्ही संघांमध्ये 5 सामन्यांची कसोटी मालिका खेळवली जाईल.
मालिकेतील पहिली कसोटी 20 ते 24 जून दरम्यान लीड्समध्ये, दुसरी कसोटी 2 जुलै ते 6 जुलै दरम्यान बर्मिंगहॅममध्ये, तिसरी कसोटी 10 जुलै ते 14 जुलै दरम्यान लॉर्ड्समध्ये, चौथी कसोटी 23 ते 27 जुलै दरम्यान मँचेस्टरमध्ये आणि पाचवी कसोटी 31 जुलै ते 4 ऑगस्ट दरम्यान लंडनमध्ये खेळवली जाईल.
टीम इंडियाचा कर्णधार रोहित शर्माने इंग्लंड दौऱ्यापूर्वी कसोटी क्रिकेटमधून निवृत्तीची घोषणा केली. रोहित शर्माचा हा निर्णय इंग्लंड दौऱ्यासाठी टीम इंडियाची निवड होण्यापूर्वीच आला आहे. इंग्लंड दौऱ्यापूर्वी टीम इंडियाला नवीन कसोटी कर्णधार मिळाला आहे. बीसीसीआयने या मालिकेसाठी संघ जाहीर केला आहे. शुभमन गिलच्या नेतृत्वाखाली 18 सदस्यीय संघ इंग्लंडला पोहोचला आहे. संघात 18 खेळाडूंचा समावेश करण्यात आला आहे, ज्यामध्ये काही खेळाडूंना या मालिकेत एकही सामना खेळण्याची संधी मिळण्याची शक्यता कमी आहे. टीम इंडियाचा अनुभवी गोलंदाज रवींद्र जडेजा इंग्लंडविरुद्धच्या पाच सामन्यांच्या कसोटी मालिकेत आपल्या फिरकीचा जादू दाखवण्यास उत्सुक आहे.
रवींद्र जडेजाची इंग्लंडमध्ये कामगिरी
इंग्लंडविरुद्धची ही कसोटी मालिका टीम इंडियाच्या अनेक खेळाडूंसाठी खूप महत्त्वाची ठरणार आहे. यामध्ये रवींद्र जडेजाचे नाव ही समाविष्ट आहे. रवींद्र जडेजाने इंग्लंडमध्ये आतापर्यंत 12 सामन्यांमध्ये 29.18 च्या सरासरीने 642 धावा केल्या आहेत. यादरम्यान, रवींद्र जडेजाने शतकी खेळी देखील केली आहे. याशिवाय, रवींद्र जडेजाने 43.48 च्या सरासरीने गोलंदाजीत एकूण 27 बळी घेतले आहेत. अशा परिस्थितीत, या मालिकेत रवींद्र जडेजा कसा कामगिरी करतो याकडे सर्वांचे लक्ष असेल.
वींद्र जडेजा पाच सामन्यांच्या कसोटी मालिकेत आपल्या घातक गोलंदाजीने इंग्लंड संघाच्या फलंदाजांसाठी घातक ठरू शकतो. रवींद्र जडेजाने आतापर्यंत भारतासाठी 80 कसोटी सामन्यांमध्ये 323 विकेट घेतले आहेत. रवींद्र जडेजाने कसोटी सामन्यांमध्ये 15 वेळा एका डावात पाच विकेट घेतले आहेत. याशिवाय, रवींद्र जडेजाने एका कसोटी सामन्यात तीन वेळा 10 किंवा त्याहून अधिक विकेट घेतले आहेत. इंग्लंडसाठी रवींद्र जडेजाच्या फिरकीला टाळणे खूप कठीण जाईल. टीम इंडियासाठी सर्वाधिक कसोटी विकेट घेण्याच्या बाबतीत माजी दिग्गज गोलंदाज अनिल कुंबळे अव्वल स्थानावर आहेत. अनिल कुंबळेने कसोटी क्रिकेटमध्ये 619 विकेट घेतले आहेत.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)