Team India Head Coach: काय सांगता? राहुल द्रविड याने टीम इंडियाचा मुख्य प्रशिक्षक होण्याची संधी नाकारली? पाहा काय म्हणाले CoA अध्यक्ष विनोद राय
राहुल द्रविड (Photo Credit: Getty)

2017 मध्ये टीम इंडियाचे (Team India) मुख्य प्रशिक्षकपदासाठी भारताचा दिग्गज राहुल द्रविड (Rahul Dravid)  सर्वोच्च दावेदार होते परंतु तेव्हा त्यांनी आपल्या कुटुंबाची देखभाल करण्याचे ठरविले असल्याचेप्रशासक समितीचे अध्यक्ष (CoA) अध्यक्ष विनोद राय (Vinod Rai) यांनी म्हटले. 2017 मध्ये कर्णधार विराट कोहलीबरोबर झालेल्या वादानंतर तत्कालीन प्रशिक्षक अनिल कुंबळेच्या भारतीय संघाचे (Indian Team( प्रशिक्षकपदाचा कार्यकाळ संपल्यानंतर राय यांनी द्रविडला पदभार स्वीकारण्याची सीओएची इच्छा उघडकीस आणली होती, परंतु आधीपासून भारत अ आणि अंडर-19 संघाचे प्रशिक्षक म्हणून कार्यरत असलेल्या माजी फलंदाजाने संधी नाकारली. स्पोर्टसकिडाशी बोलताना राय म्हणाले की, पदासाठी संपर्क साधल्यानंतर द्रविड सर्वोच्च दावेदार होते. राय म्हणाले, "जेव्हा मी द्रविडशी बोललो तेव्हा ते म्हणाले, पहा दोन मुले माझ्या घरी मोठी होत आहेत आणि मी भारतीय टीमसमवेत जगभर फिरत आहे आणि मी त्यांना वेळ आणि लक्ष देण्यास सक्षम नाही, मला असे वाटते की मी देखील घरीच राहिले पाहिजे. आणि माझ्या कुटुंबाने वेळ द्यावा." (राहुल द्रविडने सचिन तेंडुलकरला केले पराभूत, विस्डेन इंडिया पोलमध्ये ठरला 50 वर्षातील भारताचा महान कसोटी फलंदाज)

राय म्हणाले की त्यांनी आधीच आपल्या मनाची तयारी केली होती आणि मला वाटते की ते ठीकही आहे. राय यांनी पुढे खुलासा केला की द्रविडला भारत अ आणि अंडर-19 संघांसोबत काम करणे सुरू ठेवायचे होते कारण ते त्यांच्यासाठी उत्कृष्ट निकाल देत होते. द्रविडचा नकार आणि कुंबळे यांचा कार्यकाळ अचानक संपल्यानंतर मुख्य प्रशिक्षकपदाची सूत्रे अखेर रवि शास्त्री यांच्याकडे गेली. तथापि, राय यांना असे वाटते की भारताचे मुख्य प्रशिक्षक म्हणून तिघेही योग्य निवड आहे. “पहा, कोचिंगच्या संभाव्यतेच्या दृष्टीने द्रविड, शास्त्री आणि कुंबळे हे व्यवसायातील सर्वोत्तम आहेत,” राय म्हणाले.

दुसरीकडे, 2019 मध्ये द्रविडने कोचिंगची नोकरी सोडली आणि सध्या ते बेंगळुरूमधील नॅशनल क्रिकेट अकादमी (एनसीए) येथे क्रिकेट संचालक आहेत. “द्रविड एनसीएचा मुख्य प्रशिक्षक आहे. तो स्वीकारण्यात आणि एनसीएमध्ये स्वत: ला वचनबद्ध करण्यास तो खूप दयाळू आणि कृपाळू होता,” राय पुढे म्हणाले.