PBKS (Photo Credit- X)

Punjab Kings vs Lucknow Super Giants, TATA IPL 2025 54th Match: आयपीएल 2025 चा 54 सामना (IPL 2025) आज म्हणजेच 4 मे रोजी पंजाब किंग्ज आणि लखनौ सुपर जायंट्स (PBKS vs LSG) यांच्यात हिमाचल प्रदेश क्रिकेट असोसिएशन स्टेडियम, धर्मशाळा येथे खेळवला जात आहे. पंजाब किंग्जचा संघ 10 सामन्यांत 13 गुणांसह पॉइंट टेबलमध्ये चौथ्या स्थानावर आहे. त्याच वेळी, लखनौ सुपर जायंट्स संघ 10 गुणांसह टेबलमध्ये सहाव्या स्थानावर आहे. लखनौने आतापर्यंत खेळलेल्या 10 सामन्यांमध्ये 5 विजय आणि 5 पराभव स्वीकारले आहेत. आता धर्मशालामध्ये कोणता संघ जिंकण्यात यशस्वी होतो हे पाहणे मनोरंजक असेल. दरम्यान, लखनौने टाॅस जिंकून गोलंदाजी करण्याचा निर्णय घेतला आहे. प्रथम फलंदाजीसाठी आलेल्या पंजाबने लखनौसमोर 237 धावांचे लक्ष्य ठेवले आहे.

प्रभसिमरन सिंगची 91 धावांची शानदार खेळी

प्रथम फलंदाजी करताना पंजाब किंग्जच्या संघाने निर्धारित 20 षटकांत पाच गडी गमावून 236 धावा केल्या. पंजाब किंग्जकडून स्फोटक सलामीवीर प्रभसिमरन सिंगने 91 धावांची सर्वोत्तम खेळी केली. या उत्कृष्ट खेळीदरम्यान, प्रभसिमरन सिंगने 48 चेंडूत सहा चौकार आणि सात षटकार मारले. प्रभसिमरन सिंग व्यतिरिक्त कर्णधार श्रेयस अय्यरने 45 धावा केल्या.

दुसरीकडे, युवा वेगवान गोलंदाज आकाश महाराज सिंगने लखनौ सुपर जायंट्स संघाला पहिले मोठे यश मिळवून दिले. लखनौ सुपर जायंट्सकडून आकाश महाराज सिंग आणि दिग्वेश सिंग राठी यांनी प्रत्येकी सर्वाधिक दोन विकेट घेतल्या. आकाश महाराज सिंग आणि दिग्वेश सिंग राठी यांच्याव्यतिरिक्त प्रिन्स यादवने एक विकेट घेतली. हा सामना जिंकण्यासाठी लखनौ सुपर जायंट्स संघाला 20 षटकांत 237 धावा कराव्या लागतील. दोन्ही संघांना हा सामना जिंकून स्पर्धेत दोन गुण मिळवायचे आहेत.