PAK vs ENG 3rd Test 2024 Day 3 Scorecard: पाकिस्तानने 3 वर्षांनी जिंकली कसोटी मालिका, तिसऱ्या कसोटीत इंग्लंडला चारली धूळ; साजिद-नोमानने ठरले विजयाचे हिरो
पाकिस्तान राष्ट्रीय क्रिकेट संघ विरुद्ध इंग्लंड राष्ट्रीय क्रिकेट संघ यांच्यातील तिसरा कसोटी सामना रावलपिंडी क्रिकेट स्टेडियम खेळवला गेला. या सामन्यात पाकिस्तानने इंग्लंडचा 9 गडी राखून पराभव केला. 2021 नंतर पाकिस्तानचा घरच्या कसोटी मालिकेतील हा पहिला विजय ठरला.
Pakistan National Cricket Team vs England National Cricket Team: पाकिस्तान राष्ट्रीय क्रिकेट संघ विरुद्ध इंग्लंड राष्ट्रीय क्रिकेट संघ यांच्यातील तिसरा कसोटी सामना रावलपिंडी क्रिकेट स्टेडियम खेळवला गेला. या सामन्यात पाकिस्तानने इंग्लंडचा 9 गडी राखून पराभव केला. 2021 नंतर पाकिस्तानचा घरच्या कसोटी मालिकेतील हा पहिला विजय ठरला. साजिद आणि नोमान अली यांनी या सामन्यात संघासाठी आश्चर्यकारक कामगिरी केली. या सामन्यात साजिदने 10 आणि नोमान अलीने 9 विकेट घेतल्या. केवळ 36 धावांचे लक्ष्य पाकिस्तान संघाने ते सहज गाठले. शान मसूदने 23 धावा करत पाकिस्तानला हा विजय मिळवून दिला. अशाप्रकारे पाकिस्तानने तिसरा कसोटी सामना 9 विकेटने जिंकून मालिका 2-1 ने जिंकली.
येथे पाहा स्कोरकार्ड
नाणेफेक जिंकून प्रथम फलंदाजी करणाऱ्या इंग्लंडची सुरुवात चांगली झाली होती पण पाकिस्तानी गोलंदाजांनी मधल्या फळीला रोखले. जेमी स्मिथने इंग्लंडसाठी सर्वात मोठी खेळी खेळली, त्याने 119 चेंडूत 89 धावा केल्या, ज्यामध्ये अनेक उत्कृष्ट शॉट्सचा समावेश होता. त्याचवेळी बेन डकेटनेही 52 धावांचे योगदान दिले. पाकिस्तानकडून साजिद खानने अप्रतिम गोलंदाजी करत 6 बळी घेतले, तर नौमान अलीने 3 बळी घेत इंग्लंडला 267 धावांत रोखले. (हे देखील वाचा: SL vs WI 3rd ODI 2024 Live Streaming: श्रीलंका आणि वेस्ट इंडिज यांच्यात होणार तिसरा एकदिवसीय सामना! जाणून घ्या कधी, कुठे आणि कसे पाहणार थेट प्रक्षेपण)
प्रत्युत्तरात पाकिस्तानने पहिल्या डावात दमदार फलंदाजी करत 344 धावांची मोठी मजल मारली. सौद शकीलने आपल्या कारकिर्दीतील सर्वोत्तम कामगिरी करत 134 धावांची खेळी खेळली. त्याच्या शतकामुळे पाकिस्तानला पहिल्या डावात इंग्लंडवर आघाडी मिळाली. साजिद खाननेही क्रमवारीत उतरून झटपट 48 धावा करत पाकिस्तानला मजबूत स्थितीत आणले. इंग्लंडकडून रेहान अहमदने 4 बळी घेतले.
दुसऱ्या डावात इंग्लंडची फलंदाजी सपशेल अपयशी ठरली आणि संघ अवघ्या 112 धावांत गडगडला. जो रूटने 33 धावांची खेळी खेळली, पण त्याला इतर कोणत्याही फलंदाजाने साथ दिली नाही. पाकिस्तानच्या नौमान अलीने या डावात प्राणघातक गोलंदाजी करत 6 बळी घेत इंग्लंडचे कंबरडे मोडले, तर साजिद खाननेही 4 बळी घेत इंग्लंडला 112 धावांत रोखले.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)