आता WTC फायनलचे ठिकाण बदलणार? आयसीसीचे चेअरमन बनल्यानंतर Jay Shah घेणार मोठा निर्णय
जय शाह आयसीसीचे सर्वात तरुण अध्यक्ष (ICC Chairman) बनले आहेत. जय शाह चेअरमन बनल्यानंतर आता वर्ल्ड टेस्ट चॅम्पियनशिपचा अंतिम सामना इंग्लंडमध्ये होणार नसला तरी त्याची जागा बदलली जाऊ शकते, अशा बातम्या येऊ लागल्या आहेत.
World Test Championship Final Venue: भारतीय क्रिकेट परिषद बोर्डाचे (BCCI) सचिव जय शाह (Jay Shah) यांची मंगळवारी आंतरराष्ट्रीय क्रिकेट परिषदेचे (ICC) नवे अध्यक्ष म्हणून निवड करण्यात आली. जय शाह आयसीसीचे सर्वात तरुण अध्यक्ष (ICC Chairman) बनले आहेत. जय शाह चेअरमन बनल्यानंतर आता वर्ल्ड टेस्ट चॅम्पियनशिपचा अंतिम सामना इंग्लंडमध्ये होणार नसला तरी त्याची जागा बदलली जाऊ शकते, अशा बातम्या येऊ लागल्या आहेत. याचा फायदा टीम इंडियाला (Team India) होऊ शकतो. वास्तविक, जागतिक कसोटी चॅम्पियनशिपचा अंतिम सामना प्रत्येक वेळी इंग्लंडमधील लॉर्ड्सवर खेळला जातो. टीम इंडियाने दोनदा वर्ल्ड टेस्ट चॅम्पियनशिपचा अंतिम सामना खेळला आहे आणि दोन्ही वेळा भारताला पराभवाला सामोरे जावे लागले आहे.
WTC फायनलचे स्थान बदलणार?
जय शाह यांनी जागतिक कसोटी चॅम्पियनशिपच्या अंतिम सामन्याचे ठिकाण बदलण्याबाबत यापूर्वीच विधान केले आहे. रिपोर्टनुसार, मे महिन्यात जय शाह म्हणाले होते की, आम्ही याबाबत आयसीसीशी बोलत आहोत. आयसीसी वर्ल्ड टेस्ट चॅम्पियनशिप फायनलचे ठिकाण बदलण्याचा विचार करू शकते. बीसीसीआयचे सचिव असताना जय शाह यांनी हे मोठे वक्तव्य केले होते. दुसरीकडे, भारतीय क्रिकेटची प्रगती कशी होईल याचा विचार करण्याऐवजी जगभरात क्रिकेटची प्रगती कशी होईल याकडे लक्ष द्यावे लागेल, असा जय शहा यांचा हेतू स्पष्ट आहे.
हे देखील वाचा: Jay Shah Becomes New ICC Chairman: जय शाह आयसीसीचे चेअरमन बनणारे 5 वे भारतीय, जाणून घ्या याआधी कोणी सांभाळली होती जबाबदारी
भारताने अद्याप WTC फायनल जिंकलेली नाही
भारतीय संघाने वर्ल्ड टेस्ट चॅम्पियनशिप ट्रॉफी वगळता सर्व आयसीसी ट्रॉफी जिंकल्या आहेत. ज्यामध्ये एकदिवसीय विश्वचषक, टी-20 विश्वचषक आणि चॅम्पियन्स ट्रॉफीचा समावेश आहे. याशिवाय टीम इंडिया दोन वेळा वर्ल्ड टेस्ट चॅम्पियनशिपच्या अंतिम फेरीत पोहोचली आहे. प्रथम विराट कोहली आणि नंतर रोहित शर्माच्या नेतृत्वाखाली भारताने अंतिम फेरी गाठली होती. मात्र, दोन्ही वेळा टीम इंडियाला पराभवाला सामोरे जावे लागले. WTC च्या अंतिम फेरीत भारताचा प्रथम न्यूझीलंड आणि नंतर ऑस्ट्रेलियाकडून पराभव झाला. पुन्हा एकदा टीम इंडिया वर्ल्ड टेस्ट चॅम्पियनशिपच्या अंतिम फेरीत पोहोचण्याचा दावेदार मानला जात आहे.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)