Most Popular Player Of IPL 2023: सोशल मीडियावर Virat Kohli ठरला आयपीएल 2023 चा सर्वात लोकप्रिय खेळाडू; एमएस धोनीचा CSK सर्वात लोकप्रिय संघ- Reports
आयपीएलच्या 16व्या हंगामात किंग कोहलीने सुरुवातीपासूनच आक्रमक दृष्टिकोन स्वीकारला आणि शेवटपर्यंत तो तसाच राहिला. कोहलीने मुंबईविरुद्धच्या पहिल्याच सामन्यात 6 चौकार आणि 5 षटकारांसह नाबाद 82 धावा करून आरसीबीला विजय मिळवून दिला होता.
भारतीय संघाचा स्टार फलंदाज विराट कोहलीने (Virat Kohli) आयपीएल 2023 (IPL 2023) मध्ये रॉयल चॅलेंजर्स बंगळुरूसाठी शानदार कामगिरी केली होती. किंग कोहली आयपीएल दरम्यान जबरदस्त फॉर्ममध्ये होता कारण त्याने लीगच्या 14 डावांमध्ये 2 शतके आणि 6 अर्धशतके केली होती. जरी त्याचा संघ आरसीबी प्लेऑफमध्ये प्रवेश करू शकला नाही, तरीही विराट कोहलीने त्याच्या दमदार कामगिरीमुळे आयपीएल 2023 दरम्यान सोशल मीडियावर वर्चस्व गाजवले. मीडिया रिपोर्ट्सनुसार, लीगदरम्यान चाहत्यांनी सोशल मीडियावर कोहलीचा सर्वाधिक उल्लेख केला.
आयपीएलच्या 16व्या हंगामात सोशल मीडियावर कोहली सर्वाधिक चर्चेत असलेला खेळाडू ठरला आहे. इंटरएक्टिव्ह अॅव्हेन्यूजच्या मते, आयपीएलमध्ये चाहत्यांनी सोशल मीडियावर कोहलीचा 7 दशलक्ष वेळा उल्लेख केला आहे.
यासह, आपले पाचवे विजेतेपद जिंकल्यानंतर, सीएसके (CSK) हा खंडातील सर्वात लोकप्रिय क्रीडा संघ ठरला आणि संपूर्ण जगात चौथा सर्वोत्तम संघ बनला. चेन्नई हा प्रीमियर लीग आणि युरोपियन दिग्गज मँचेस्टर युनायटेडच्या पुढे आहे. दुसरीकडे, 1 मे रोजी लखनौ येथे लखनौ सुपर जायंट्स आणि रॉयल चॅलेंजर्स बंगलोर यांच्यातील सामन्यादरम्यान विराट कोहली आणि गौतम गंभीर यांच्यात शाब्दिक भांडण झाले होते. या घटनेचे अनेक व्हिडिओ आणि फोटो सोशल मीडिया प्लॅटफॉर्मवर व्हायरल झाले होते. यंदाच्या हंगामात या घटनेची सोशल मीडियावर सर्वाधिक चर्चा झाली आहे.
(हेही वाचा: केएल राहुलनंतर भारतीय संघाला आणखी एक धक्का, श्रेयस अय्यर आगामी आशिया कपपर्यंत फिट नाही)
दरम्यान, आयपीएलच्या 16व्या हंगामात किंग कोहलीने सुरुवातीपासूनच आक्रमक दृष्टिकोन स्वीकारला आणि शेवटपर्यंत तो तसाच राहिला. कोहलीने मुंबईविरुद्धच्या पहिल्याच सामन्यात 6 चौकार आणि 5 षटकारांसह नाबाद 82 धावा करून आरसीबीला विजय मिळवून दिला होता. यानंतर त्याने संपूर्ण स्पर्धेत शानदार फलंदाजी केली. कोहलीने हंगामातील 14 डावांमध्ये 53.25 च्या सरासरीने आणि 139.82 च्या स्ट्राइक रेटने 639 धावा केल्या. या स्पर्धेत सर्वाधिक धावा करणारा तो चौथा फलंदाज ठरला.
(The above story first appeared on LatestLY on Jun 26, 2023 04:59 PM IST. For more news and updates on politics, world, sports, entertainment and lifestyle, log on to our website latestly.com).
