MI vs CSK IPL Rivalry: रोहित शर्माच्या मुंबई इंडियन्स आणि एमएस धोनीच्या चेन्नई सुपर किंग्स आयपीएलच्या इतिहासातील 3 सर्वात रोमांचक सामने (Watch Videos)
दोन्ही टीम आयपीएल 2020 च्या सलामीच्या सामन्यात आमने-सामने येणार आणि पण त्यापूर्वी आज आपण या दोन्ही आयपीएलच्या यशस्वी टीममधील 3 सामन्यांविषयी जाणून घेऊया जे खूप रोमांचक ठरले.
मुंबई इंडियन्स (Mumbai Indians) आणि चेन्नई सुपर किंग्जची (Chennai Super Kings) टक्कर टी -20 लीग क्रिकेटच्या इतिहासातील सर्वात मोठी टक्कर मानली जाते. दोन्ही संघ इंडियन प्रीमियर लीगचा (Indian Premier League) एक भाग आहेत आणि संपूर्ण लीगमध्ये त्यांच्याद्वारे दाखविलेल्या वर्चस्वाच्या लढाईसाठी परिचित आहेत. दोन संघांच्या या लढाईला प्रचंड चाहत्यांचा पाठलाग आहे आणि आयपीएलच्या (IPL) इतिहासातील सर्वोत्कृष्ट लढाऊ म्हणून ओळखले जाते. आयपीएलमधील या दोन बलाढ्य टीममधील लढाईला चाहत्यांकडून प्रचंड मोठा प्रतिसाद मिळतो आणि आयपीएलच्या इतिहासातील सर्वोत्कृष्ट लढत म्हणून ओळखली जाते. आयपीएलच्या प्रत्येक हंगामात आपल्याला अनेक रोमांचक सामने पाहायला मिळतात. आयपीएलच्या प्रत्येक सामन्यात षटकार-चौकरांची आतिषबाजी, सर्वोच्च दर्जाचे उत्तम क्षेत्ररक्षण आणि जबरदस्त गोलंदाजी पाहायला मिळते. दरम्यान, आयपीएलच्या 12 वर्षाच्या इतिहासात या दोन्ही टीममध्ये अनेक रोमांचक सामने पाहायला मिळाले आहेत. (IPL's Most Successful Captains: महेंद्र सिंह धोनी, विराट कोहली की रोहित शर्मा? आयपीएल इतिहासातील सर्वात यशस्वी कर्णधार)
जेव्हा-जेव्हा दोन्ही टीम आमने-सामने येतात तेव्हा-तेव्हा चाहत्यांना रोमांचक सामना पाहायला मिळतो. यंदा देखील दोन्ही टीम आयपीएल 2020 च्या सलामीच्या सामन्यात आमने-सामने येणार आणि पण त्यापूर्वी आज आपण या दोन्ही आयपीएलच्या यशस्वी टीममधील 3 सामन्यांविषयी जाणून घेऊया जे खूप रोमांचक ठरले.
1. मुंबई विरुद्ध चेन्नई 2018
आयपीएलच्या 11व्या आवृत्तीच्या उद्घाटन सामन्यात मुंबई आणि चेन्नईचा वानखेडे स्टेडियमवर आमना-सामना झाला. चेन्नईने टॉस जिंकून पहिले गोलंदाजी केली आणि 165 धावांवर मुंबईला रोखले. चेन्नईसाठी आव्हान छोटं वाटत असताना गोलंदाजांनी मुंबईला सामन्यात आणले आणि सीएसकेने 17 व्या ओव्हरपर्यंत 118 धावांवर 8 विकेट गमावल्या आणि त्यांना अंतिम 3 ओव्हरमध्ये 47 धावांची गरज होती. एकमेव फलंदाज म्हून ड्वेन ब्रावो क्रीजवर होता आणि त्याने पुढील 11 चेंडूत 33 धावा करून सामना बदलला. अखेरच्या ओव्हरमध्ये 7 धावा हव्या असताना जखमी केदार जाधव फलंदाजीला आला आणि त्याने एक षटकार आणि दुसऱ्या चेंडूवर चौकार मारून सीएसकेसाठी 1 विकेटने सामना जिंकला.
2. मुंबई विरुद्ध चेन्नई 2019
मुंबई इंडियन्स आणि चेन्नई सुपर किंग्स चौथ्यांदा आयपीएल फायनलमध्ये आमने-सामने आले. दोन्ही संघांकडे चौथ्यांदा आयपीएल जिंकण्याची संधी होती. मुंबईने प्रथम फलंदाजी करत 8 विकेट गमावून 149 धावा केल्या. मुंबईने दिलेले लक्ष्य पाहून चेन्नई सहज सामना जिंकेल असे दिसत होते. अखेरच्या ओव्हरमध्ये सीएसकेला विजयासाठी 7 धावांची गरज होती आणि सलामी फलंदाज शेन वॉटसन 80 धावा करून खेळत होता. पण तो बाद झाला आणि सामना बदलला. अंतिम चेंडूवर विजयासाठी सीएसकेला 2 धावांची गरज असताना लसिथ मलिंगाने शार्दुल ठाकूरला पायचीत बाद केले आणि मुंबईने चौथ्यांदा विजेतेपद जिंकले.
3. मुंबई विरुद्ध चेन्नई 2010
आयपीएलच्या तिसऱ्या आवृत्तीच्या अंतिम सामन्यात मुंबई इंडियन्सचा गुणतालिकेतील तिसर्‍या क्रमांकाच्या सीएसकेशी सामना झाला. घरच्या संघाला मुंबईच्या अवघड विकेटवर प्रथम गोलंदाजी करण्यास सांगितले गेले. चेन्नईने जबरदस्त सुरुवात केली आणि पॉवर-प्लेमध्ये एकही विकेट गमावली नाही, पण नंतर सुपर किंग्ज नियमित अंतराने विकेट गमावत राहिले. मात्र, सुरेश रैनाच्या 57 आणि धोनी व अ‍ॅल्बी मॉर्केलच्या छोट्या कॅमिओने सीएसकेला 168 धावांपर्यंत मजल मारता आली. प्रत्युत्तरात शिखर धवन मेडन ओव्हर खेळून बाद झाला. मुंबईला अंतिम 2 ओव्हरमध्ये 33 धावा हव्या असताना, परंतु पुढे जे घडले ते इतिहासजमा झाले. धोनीची फील्ड सेटिंगने सीएसकेला आवश्यक ती पोलार्डची विकेट मिळवून दिली ज्यामुळे अखेर 'येलो आर्मी'ने पहिले आयपीएल विजेतेपद जिंकले.
मुंबई आणि चेन्नई हेदेखील आयपीएलचे दोन सर्वात यशस्वी संघ आहेत. मुंबईने सर्वाधिक चार, तर चेन्नईने तीन आयपीएल विजेतेपद जिंकले आहेत. हेड-टू-हेडच्या आकडेवारीबद्दल बोलायचे तर मुंबई चेन्नईवर वर्चस्व गाजवते. आयपीएलचा अल क्लासीको म्हणून दोन्ही टीमच्या लढतीकडे पहिले जाते कारण स्पर्धेच्या सुरुवातीपासून अखेरच्या सामान्यांपर्यंत ते प्रेक्षकांचे मनोरंजन करते.