ICC Test Rankings: बुमराहचे नुकसान! अश्विन आयसीसी कसोटी क्रमवारीत ठरला अव्वल क्रमांकाचा गोलंदाज; टॉप-10 मध्ये अनेक भारतीय खेळाडूंचा समावेश
अश्विनने इंग्लंडविरुद्धच्या कसोटी मालिकेत दमदार कामगिरी केली होती. आता त्याचा फायदा त्याला आयसीसी क्रमवारीत (Test Ranking) मिळाला आहे. नवीन आयसीसी कसोटी क्रमवारीत तो नंबर-1 गोलंदाज बनला आहे.
ICC Test Rankings: आयसीसीने गोलंदाजांची नवीन कसोटी क्रमवारी जाहीर केली आहे. यामध्ये भारतीय गोलंदाज रविचंद्रन अश्विनला (R Ashwin) लॉटरी लागली आहे. अश्विनने इंग्लंडविरुद्धच्या कसोटी मालिकेत दमदार कामगिरी केली होती. आता त्याचा फायदा त्याला आयसीसी क्रमवारीत (Test Ranking) मिळाला आहे. नवीन आयसीसी कसोटी क्रमवारीत तो नंबर-1 गोलंदाज बनला आहे. जसप्रीत बुमराहचे (Jasprit Bumrah) नुकसान झाले आहे. कुलदीप यादवने (Kuldeep Yadav) आयसीसी कसोटी क्रमवारीतही मोठी झेप घेतली आहे. (हे देखील वाचा: ICC Player Of The Month Award: यशस्वी जयस्वालची आयसीसी प्लेअर ऑफ द मंथ म्हणून निवड, केन विलियम्सनला सोडले मागे)
अश्विन ठरला नंबर-1 गोलंदाज
रविचंद्रन अश्विनने आयसीसी कसोटी क्रमवारीत पहिल्या क्रमांकावर पोहोचून नंबर-1 चा मुकुट गाठला आहे. त्याला एक जागा मिळाली आहे. अश्विनचे 870 रेटिंग गुण आहेत. ऑस्ट्रेलियाचा जोस हेझलवूड दुसऱ्या स्थानावर आहे. त्याचे 847 रेटिंग गुण आहेत. भारतीय संघाचा सुपरस्टार वेगवान गोलंदाज जसप्रीत बुमराहला एका स्थानाचा पराभव झाला आहे. तो तिसऱ्या क्रमांकावर आहे. त्याचे 847 रेटिंग गुण आहेत. चौथ्या क्रमांकावर कागिसो रबाडा आहे. रबाडालाही एका जागेचा फटका बसला आहे. त्याचे 834 रेटिंग गुण आहेत.
इंग्लंडविरुद्ध दाखवली ताकद
रविचंद्रन अश्विनने इंग्लंडविरुद्ध दमदार कामगिरी करत टीम इंडियाला मालिका जिंकून देण्यात महत्त्वाची भूमिका बजावली. या मालिकेत त्याने एकूण 26 विकेट घेतल्या. इंग्लंडविरुद्धची पाचवी कसोटी हा त्याचा 100 वा कसोटी सामना होता. या सामन्यात त्याने एकूण 9 विकेट्स घेतल्या. अश्विन कसोटी क्रिकेटच्या इतिहासात भारताकडून सर्वाधिक विकेट घेणारा दुसरा गोलंदाज आहे. याशिवाय त्याने भारतासाठी सर्वाधिक पाच विकेट्स घेतल्या आहेत.
अनेक भारतीयांचा टॉप-10 मध्ये समावेश
गोलंदाजांच्या आयसीसी कसोटी क्रमवारीत टॉप-10 मध्ये तीन भारतीयांचा समावेश आहे. यामध्ये रविचंद्रन अश्विन, जसप्रीत बुमराह आणि रवींद्र जडेजा यांचा समावेश आहे. रवींद्र जडेजा 7 व्या क्रमांकावर आहे. त्याचे 788 रेटिंग गुण आहेत. दुसरीकडे, भारताच्या कुलदीप यादवला फायदा झाला आहे. तो 15 स्थानांनी पुढे सरकत 16 व्या क्रमांकावर पोहोचला आहे. त्याला 686 गुण आहेत. कुलदीपने इंग्लंडविरुद्धच्या कसोटी मालिकेत अप्रतिम कामगिरी केली. एकूण चार सामने खेळताना त्याने 19 विकेट्स घेतल्या.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)