IPL 2025: 'पैशासाठी दिल्ली कॅपिटल्स सोडले नाही...', सुनील गावस्कर यांच्या विधानावर ऋषभ पंतचे प्रत्युउत्तर
पंत आयपीएल 2025 च्या मेगा लिलावात सहभागी होणार आहे. त्याआधी, ऋषभ पंतला दिल्ली कॅपिटल्सपासून वेगळे का केले याबद्दल सतत तर्क लावले जात आहेत? त्यावर आता सुनील गावस्कर यांच्या एका विधानाला पंतने प्रत्युत्तर दिले आहे.
IPL 2025: आयपीएल 2025 च्या लिलावापूर्वी दिल्ली कॅपिटल्सने (Delhi Capitals) ऋषभ पंतला संघात कायम ठेवले नाही. पंत संघाचा कर्णधार आहे आणि जगातील सर्वोत्तम यष्टिरक्षक म्हणून त्याची गणना होते. यानंतरही दिल्ली कॅपिटल्सने त्याला कायम ठेवले नाही. आता पंत आयपीएल 2025 (IPL 2025) च्या मेगा लिलावात सहभागी होणार आहे. त्याआधी, ऋषभ पंतला () दिल्ली कॅपिटल्सपासून वेगळे का केले याबद्दल सतत तर्क लावले जात आहेत? त्यावर आता सुनील गावस्कर (Sunil Gavaskar) यांच्या एका विधानाला पंतने प्रत्युत्तर दिले आहे.
भारतीय संघाचा माजी कर्णधार आणि अनुभवी फलंदाज सुनील गावस्कर यांना वाटते की दिल्ली आणि पंत पैशांमुळे वेगळे झाले असावेत. स्टार स्पोर्ट्सवर तो म्हणाला, 'कधीकधी एखाद्या खेळाडूला कायम ठेवावे लागते तेव्हा फ्रेंचायझी आणि खेळाडू यांच्यात फीबाबत चर्चा होते. तुम्ही पाहिल्याप्रमाणे, कायम ठेवलेल्या काही खेळाडूंना नंबर-1 रिटेन्शन फीपेक्षा जास्त पैसे मिळाले.
त्यामुळे मला वाटते की कदाचित तेथे (पंत आणि दिल्ली यांच्यात) काही मतभेद झाले असतील, परंतु मला वाटते की दिल्लीला नक्कीच ऋषभ पंत परत हवा आहे कारण त्यांनाही कर्णधाराची गरज आहे. सुनील गावस्कर यांच्या व्हिडिओवर ऋषभ पंतने स्वतः प्रतिक्रिया दिली आहे. पंत आतापर्यंत कायम ठेवण्याबद्दल आणि लिलावाबद्दल बोलला नाही पण यावेळी त्याने मौन सोडले.
पंतने X वर शेअर केलेल्या व्हिडीओच्या कमेंटमध्ये लिहिले- मी निश्चितपणे म्हणू शकतो की 'पैशासाठी दिल्ली कॅपिटल्स सोडले नाही'. ऋषभ पंत 2016 पासून आयपीएलमध्ये खेळत आहे. तो दिल्ली डेअरडेव्हिल्स (आता दिल्ली कॅपिटल्स) साठी खेळला आहे. तेव्हापासून प्रत्येक लिलावात पंतला कायम ठेवण्यात आले आहे. फ्रँचायझीने 2021 च्या हंगामात पंतला कर्णधार बनवले. कार अपघातामुळे एक हंगाम गमावल्यानंतरही फ्रँचायझीने त्याला कायम ठेवले.
(The above story first appeared on LatestLY on Nov 19, 2024 01:54 PM IST. For more news and updates on politics, world, sports, entertainment and lifestyle, log on to our website latestly.com).
