IPL 2022 Purple Cap: युजवेंद्र चहलच्या डोक्यावर सजली पर्पल कॅप, फायनलमध्ये रेकॉर्ड-ब्रेक कामगिरीसह हसरंगाला मागे टाकलं
IPL 2022 Purple Cap Updated List: शनिवार, 26 मार्चपासून आयपीएलच्या 15व्या हंगामाला सुरुवात झाली आहे. आयपीएल 2022 चा आतापर्यंत फक्त एक सामना खेळला गेला असून खेळाडूंमध्ये पर्पल कॅपची शर्यतही सुरु झाली आहे. अशा परिस्थितीत दरवर्षी प्रमाणे यंदाही खेळाडूंमध्ये चुरशीची स्पर्धा पाहायला मिळणार आहे. आयपीएल स्पर्धेच्या अखेर मोसमात सर्वाधिक विकेट घेणाऱ्या गोलंदाजाला पर्पल कॅप देण्यात येते.
IPL 2022 Purple Cap Updated List: आयपीएल 2022 चा अंतिम सामना अहमदाबादच्या नरेंद्र मोदी स्टेडियमवर राजस्थान रॉयल्स आणि गुजरात टायटन्स यांच्यात खेळला गेला. राजस्थान रॉयल्सच्या स्टार स्पिनर युजवेंद्र चहलने अंतिम सामन्यात गुजरात टायटन्सचा कर्णधार हार्दिक पांड्याला बाद करून इंडियन प्रीमियर लीगमध्ये इतिहास घडवला. चहल आयपीएल 2022 मध्ये सर्वाधिक विकेट घेणारा गोलंदाज बनला आहे. भारताच्या या दिग्गज गोलंदाजाने रॉयल चॅलेंजर्स बेंगलोरच्या वानिंदू हसरंगा यांना मागे टाकत पर्पल कॅप बाबीज केले. यासह चहल आयपीएलच्या एका मोसमात सर्वाधिक विकेट घेणारा फिरकी गोलंदाजही बनला आहे. (IPL 2022 Orange Cap Winner: आयपीएल 15 चा ‘शतकवीर’ जोस बटलरने जिंकली ऑरेंज कॅप, जाणून घ्या त्याने किती धावा केल्या)
लेग-स्पिनर युजवेंद्र चहलने राजस्थान रॉयल्ससाठी (RR) 17 सामन्यांत 19.50 च्या सरासरीने आणि 7.92 च्या इकॉनॉमी रेटने 27 बळी घेतले आहेत. तर हसरंगाने रॉयल चॅलेंजर्स बेंगलोरसाठी (RCB) 16 सामन्यात 16.53 च्या सरासरीने आणि 7.54 च्या इकॉनॉमीने 26 विकेट्स घेऊन हंगाम संपवला. चहल आयपीएलच्या 15 वर्षांच्या इतिहासात सर्वाधिक विकेट घेणारा पहिला फिरकीपटू बनला आहे. त्याच्या आधी, इमरान ताहिरने 2019 मध्ये CSK कडून खेळताना 26 विकेट घेतल्या होत्या. यावर्षी आरसीबीच्या वानिंदू हसरंगाने 26 विकेट्स घेतल्या. चहलने त्याची बरोबरी केली, मात्र अंतिम सामन्यात 1 बळी घेत त्याने रेकॉर्ड-ब्रेक पराक्रम केला.
| Rank | Player | Team | Matches Played | Wickets |
| 1 | युजवेंद्र चहल | राजस्थान रॉयल्स | 17 | 27 |
| 2 | वानिंदू हसरंगा | रॉयल चॅलेंजर्स बेंगलोर | 16 | 26 |
| 3 | कसिगो रबाडा | पंजाब किंग्स | 13 | 23 |
| 4 | उमरान मलिक | सनरायझर्स हैदराबाद | 14 | 22 |
| 5 | कुलदीप यादव | दिल्ली कॅपिटल्स | 14 | 21 |
लक्षणीय आहे की या मोसमात युजवेंद्र चहलने केवळ सर्वाधिक विकेट घेतल्या नाहीत तर त्याच्या आयपीएल कारकिर्दीतील पहिली हॅट्ट्रिकही घेतली. कोलकाता नाईट रायडर्सविरुद्धच्या सामन्यात त्याने सलग 3 विकेट घेतल्या. त्याचबरोबर त्याने एका सामन्यात 5 विकेट्सही घेतल्या. यादरम्यान चहलची इकॉनॉमी चांगली होती आणि त्याने अचूक गोलंदाजी करताना सर्वाधिक विकेट्स घेतल्या.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)