IPL 2021: एमएस धोनीविरुद्ध Rishabh Pant करणार कॅप्टन्सी डेब्यू, CSK विरोधात बनवली ही विशेष योजना (Watch Video)
कर्णधार म्हणून पंतचा पहिला सामना चेन्नई सुपर किंग्जविरुद्ध होईल, ज्याचे नेतृत्व एमएस धोनी करेल. हा एक चांगला अनुभव असेल कारण मी त्याच्याकडून बरेच काही शिकलो आणि या वर्षाच्या सीएसकेबरोबर काहीतरी नवीन व वेगळं करण्याचा प्रयत्न करू,” पंतने म्हटले.
IPL 2021: दिल्ली कॅपिटल्स (Delhi Capitals) कर्णधार रिषभ पंत (Rishabh Pant) यंदाच्या हंगामात इंडियन प्रीमियर लीग (Indian Premier Leaue) कारकीर्दीत पहिल्यांदा संघाचे नेतृत्व करण्यास सज्ज आणि उत्साही आहे. खांद्याला दुखापत झाल्याने आयपीएलमधून (IPL) माघार घेतलेल्या श्रेयस अय्यरच्या जागी डीसी कर्णधार म्हणून पंतची निवड करण्यात आली आहे. 2020 मध्ये पहिल्यांदा आयपीएल फायनल गाठण्यापूर्वी 2019 वर्षात अय्यरच्या नेतृत्वात दिल्ली विजयपथावर परतला. अशास्थितीत पंतपुढे श्रेयसची जागा भरून काढण्याची मोठी जबाबदारी असेल. कर्णधार म्हणून पंतचा पहिला सामना 3-वेळा आयपीएल विजेता चेन्नई सुपर किंग्जविरुद्ध (Chennai Super Kings) होईल, ज्याचे नेतृत्व एमएस धोनी (MS Dhoni) करेल. पंतने धोनीच्या सावलीत आपल्या आंतरराष्ट्रीय कारकीर्दीचा एक चांगला भाग घालवला आणि दिग्गज विकेटकीपरकडून बरेच काही शिकले आहे. तो आता आपल्या आयडल विरोधात कॅप्टन्सी डेब्यू करण्यासाठी उत्साहित आहे. (दिल्ली कॅपिटल्सचे प्रशिक्षक Ricky Ponting यांचा धक्कादायक खुलासा- म्हणाले, ‘Prithvi Shaw ने माझ्या डोळ्यात डोळे घालून नेट्समध्ये फलंदाजीला नकार दिला’)
“मी खूप उत्सुक आहे की मी पहिल्यांदाच कर्णधारपद सांभाळणार आहे आणि पहिला सामना माही भाई विरुद्ध होईल. हा एक चांगला अनुभव असेल कारण मी त्याच्याकडून बरेच काही शिकलो आहे आणि मला माझ्या आयुष्यातूनही बरीच अनुभव आला आहे, म्हणून आम्ही यावर्षी मिसळण्याचा आणि या वर्षाच्या सीएसकेबरोबर काहीतरी नवीन व वेगळं करण्याचा प्रयत्न करू,” पंतने दिल्ली कॅपिटल्सला सांगितले. 2021 च्या सुरुवातीपासूनच पंत आंतरराष्ट्रीय क्रिकेटमध्ये शानदार फॉर्ममध्ये आहे आणि दिल्ली नेतृत्त्व करत असताना अतिरिक्त जबाबदारीसह यंदा आयपीएलमध्ये फॉर्म कायम ठेवण्यासाठी तो प्रयत्नशील असेल. "मला या संधीचा जास्तीत जास्त फायदा करायचा आहे. आम्ही कोणतेही विजेतेपद मिळवले नाही, यंदा एक मिळवण्यासाठी मी माझ्या पातळीवर सर्वतोपरी प्रयत्न करेन आणि मला एक संघ म्हणून वाटते की आम्ही मागील 2-3 वर्षातवर्षांपासून छान खेळत आहोत आणि आपण जे काही करतो त्याची तयारी छान चालत आहे, प्रत्येकजण चांगल्या मनःस्थितीत दिसत आहे आणि आपल्याला कर्णधार म्हणून हवे आहे, ते प्रत्येकजण आपले 100% देत आहे. संघातील वातावरणात प्रत्येकजण आनंदी असतो आणि ज्यांना चांगले वाटते अशा लोकांच्या बाबतीत चांगल्या गोष्टी घडतात.”
दिल्ली कॅपिटल्स आयपीएल 2021 चे आपले अभियान चेन्नई सुपर किंग्ज विरोधात सुरु करेल. हा सामना मुंबईच्या वानखेडे स्टेडियमवर 10 एप्रिल रोजी रंगणार आहे.