IPL 2021 Auction Highlights: Arjun Tendulkar मुंबई इंडियन्सच्या ताफ्यात, हनुमा विहारी अनसोल्ड

टीम इंडियाचा अनुभवी फलंदाज हनुमा विहारी अनसोल्ड ठरला आहे, तर सचिन तेंडुलकरचा मुलगा अर्जुन 20 लाखाच्या बेस प्राईसवर मुंबई इंडियन्सच्या ताफ्यात सामील झाला आहे. 

भारताचा फिरकीपटू कुलदीप यादवला त्याच्या बेस प्राईसवर म्हणजेच 20 लाख रुपयांमध्ये राजस्थान रॉयल्सने ताफ्यात घेतलं आहे.

ऑस्ट्रेलियमी मॅथ्यू वेड आणि श्रीलंकेचा थिसारा परेरा दोघेही अनसोल्ड राहिले आहेत. वेडची 1 कोटी तर परेराची 20 लाख अशी बेस प्राईज होती.

चेन्नई सुपर किंगचा माजी अष्टपैलू केदार जाधवला लिलावाच्या दुसऱ्या फेरीत सनरायझर्स हैदराबादने 2 कोटींच्या बेस प्राईसवर ताफ्यात समावेश केला. दुसरीकडे, त्याचा माजी साथीदार हरभजन सिंहला केकेआर 2 कोटींच्या बेस प्राईसवर संघात सामील केले. 

न्यूझीलंडचा वेगवान गोलंदाज जेम्स निशमला पाच वेळा आयपीएल विजेते मुंबई इंडियन्सने 50 लाखच्या बेस प्राईसवर खरेदी केले आहे. 

ऑस्ट्रेलियाचा टी -20 क्रिकेट स्पेशालिस्ट डॅनियल ख्रिश्चन याला रॉयल चॅलेंजर्स बेंगलोर संघाने 4.80 कोटी रुपयांच्या मोठ्या रकमेसह गोट्यात समावेश केला आहे. ख्रिस्चन 75 लाख बेस प्राईससह लिलावाच्या मैदानात उतरला होता. 

ऑस्ट्रेलियन अष्टपैलू मोईसेस हेनरिक्सला पंजाब किंग्सने 4.2 कोटीमध्ये खरेदी केलं आहे.

मागील वर्षाची आयपीएल उपविजेते दिल्ली कॅपिटल्सने इंग्लंचा चा अष्टपैलू टॉम कुरन याला 5.25 कोटी रुपयात खरेदी केले.

न्यूझीलंड फलंदाज मार्टिन गप्टिल आणि भारतीय गोलंदाज पवन नेगी लिलावाच्या पहिल्या फेरीत अनसोल्ड ठरले आहेत. या दोघांना आपल्या ताफ्यात घेण्यास कोणत्याही फ्रँचायजीने रस दाखवला नाही.

ऑस्ट्रेलियाचा स्टार फलंदाज मार्नस लाबूशेन आयपीएल लिलावाच्या पहिल्या फेरीत अनसोल्ड ठरला. लाबूशेनची बेस प्राईस 1 कोटी होती. 

न्यूझीलंडचा वेगवान गोलंदाज Kyle Jamieson याच्यासाठी पंजाब-बेंगलोरमध्ये चुरस पाहायला मिळाली. अखेरीस आरसीबीने बाजी मारली आणि किवी गोलंदाजासाठी 15 कोटी रुपये मोजले. 

भारतीय संघाचा 'टेस्ट स्पेशलिस्ट' चेतेश्वर पुजाराचे आयपीएलमध्ये पुनरागमन झालं आहे. पुजारा 2014 नंतर पहिल्यांदा आयपीएलमध्ये खेळले. पुजाराला चेन्नई सुपर किंग्सने 50 लाखच्या बेस प्राईसवर खरेदी केले. 

दिल्ली कॅपिटल्सने एम सिद्धार्थला 20 लाख मोजून आपल्या ताफ्यात घेतलं आहे तर मराठमोळ्या तुषार देशपांडेच्या पदरी निराशा पडली आहे आणि तो अनसोल्ड राहिला आहे. त्याची बेस प्राईज 20 लाख होती.

ऑस्ट्रेलियन वेगवान गोलंदाज Riley Meredith याला पंजाब किंग्सने 8 कोटी रुपयांच्या बोलीमध्ये संघात सामील केले आहे. त्याने 2017 मध्ये पाकिस्तानविरुद्ध दौऱ्यातून लिस्ट ए पदार्पण केले. 

Uncapped चेतन साकारियाचा राजस्थान रॉयल्सने 1 कोटी 20 लाख रुपयांत आपल्या ताफ्यात समावेश केला. 

मोहम्मद अझरुद्दीनला रॉयल चॅलेंजर्स बेंगलोरने आपल्या ताफ्यात घेतलं आहे. आरसीबीने अझहरुद्दीनला 20 लाखांच्या बेस प्राईसवर खरेदी केले. 

कर्नाटक अष्टपैलू के. गौतमला कोलकाता नायर रायडर्स टीमने 9 कोटी 25 लाख रुपयांत खरेदी केले.

तामिळनाडूचा शाहरुख खान 2021 हंगामात पंजाब किंग्सकडून खेळताना दिसेल. 20 लाख बेस प्राईस असलेल्या शाहरुखला पंजाबने 5.25 कोटी रुपयात खरेदी केले. त्याची बेस प्राईज ही एकूण 20 लाख होती.

सय्यद मुश्ताक अली ट्रॉफी स्पर्धेत शानदार फलंदाजी करणाऱ्या बरोडाच्या विष्णू सोलंकी पहिल्या फेरीत खरेदीदार मिळाला नाही आणि अनसोल्ड राहिला. सोलंकीची बेस प्राईस 20 लाख आहे. 

Uncapped खेळाडूंचा लिलाव सुरु झाला असून रजत पाटीदार आणि सचिन बेबीला रॉयल चॅलेंजर्स बेंगलोरने 20 लाख कोटी रुपयात खरेदी केलं आहे.