देवदत्त पडिक्कल आणि यशस्वी जयस्वाल (Photo Credit: Instagram)

"जिथे प्रतिभा संधी मिळवते". ही टॅगलाइन इंडियन प्रीमियर लीगशी (Indian Premier League) संबंधित आहे आणि ती अगदी योग्य आहे. ही स्पर्धा केवळ भारतीयच नव्हे तर विदेशी खेळाडूंना देखील विशेषत: टी-20 स्वरुपात आपली प्रतिभा व्यक्त करण्यासाठी व्यासपीठ उपलब्ध करून देते. 12 वर्षांच्या इतिहासात आजवर या स्पर्धेने असंख्य खेळाडूंना योग्य व्यासपीठ उपलब्ध करून दिले आहे जिथून त्यांनी करिअर पुढे नेले. आयपीएल (IPL) 2020 यापेक्षा वेगळं ठरणार नाही आणि पुन्हा एकदा युवा खेळाडूंचा उत्साहवर्धक गट स्पर्धेत भाग घेईल. यावेळी झालेल्या आयपीएलच्या लिलावात सर्व खेळाडूंनी जास्तीत जास्त युवा खेळाडूंना आपल्या संघात सामिल केले. हे खेळाडू टीम इंडियाचे दिग्गज विराट कोहली, रोहित शर्मासारख्यांना नक्कीच टक्कर देऊ इच्छित असतील. इंडियन प्रीमियर लीग (आयपीएल) 2020 हंगाम युएईमध्ये (UAE) 19 सप्टेंबरपासून सुरू होणार आहे. भारतीय खेळाडूंप्रमाणेच अनेक विदेशी खेळाडू या प्रसिद्ध टी-20 लीगमध्ये पदार्पण करण्यास सज्ज आहेत. (IPL 2020 Update: सुरेश रैनाच्या जागी CSK संघात 'या' तिन्ही खेळाडूंना मिळू शकते संधी, मराठमोळा रुतुराज गायकवाड देखील पर्यायी फलंदाज)

काही संभाव्य खेळाडूंची यादी आपण पाहूया जे यंदा आयपीएल पदार्पण करू शकतील आणि सर्वांच्या नजरा त्यांच्यावर असतील...

यशस्वी जयस्वाल

मागील वर्षी झालेल्या अंडर-19 वर्ल्ड कप स्पर्धेत जबरदस्त कामगिरी करणाऱ्या यशस्वी जयस्वालवर (Yashasvi Jaiswal) यंदा सर्वांची नजर असणार आहे. आयपीएल लिलावात यशस्वीला राजस्थान संघाने 2.4 कोटींना विकत घेतले.

रवी बिश्नोई

आयसीसी अंडर-19 वर्ल्ड कपमध्ये रवी बिश्नोई (Ravi Bishnoi) सर्वाधिक विकेट्स घेणारालेग स्पिनर आहे. बांग्लादेशविरुद्ध अंतिम सामन्यात चार विकेट्स घेत हा युवा गोलंदाज भारताच्या पुनरागमनचा मुख्य शिल्पकार होता. किंग्स इलेव्हन पंजाबने रवीला तब्बल 2 कोटी रुपयांत खरेदी केले. बिष्णोई आपल्या धारदार गुगलींच्या सहाय्याने घातक ठरू शकतो.

कमलेश नागरकोटी

कमलेश नागरकोटीला (Kamlesh Nagarkoti) 2018 अंडर-19 वर्ल्ड कपमध्ये आपल्या जलद गोलंदाजीमुळे संघात स्थान मिळाले होते, मात्र दुखापतीमुळे तो खेळू शकला नाही. यंदा कमलेश कोलकाता नाइट रायडर्सकडून (Kolkata Knight Riders) खेळेल. गोलंदाजासह कमलेश चांगला फिल्डरही आहे आणि खालच्या क्रमवारीत फलंदाजीही करू शकतो.

ईशान पोरेल

2018 अंडर-19 वर्ल्ड कपमध्ये जबरदस्त कामगिरी करणारा ईशान पोरेलही (Ishan Porel) या यादीत आहे. पोरेल 2018 आणि 2019 मध्ये आयपीएल बँडवॅगन गमावल्याने ईशान निराश झाला होता, पण यंदा आयपीएलमध्ये किंग्ज इलेव्हन पंजाबने त्याला यंदा संधी दिली. पोरेल हा आधीपासूनच घरगुती क्रिकेटमध्ये बंगालसाठी नियमितपणे खेळतो आणि त्याने आजार 22 प्रथम श्रेणी सामने खेळले आहेत. यावर्षी बंगालने रणजी ट्रॉफी अंतिम फेरीत स्थान मिळवण्यामागील प्रमुख कारणांपैकी ईशान एक होता.

देवदत्त पडिक्कल

कर्नाटक क्रिकेटचा आगामी स्टार पडिक्कलने (Devdutt Padikkal) मागील हंगामात व्हाईट बॉल दोन्ही स्पर्धांमध्ये त्यांच्या विजयात महत्त्वपूर्ण भूमिका बजावली. डाव्या हाताचा सलामीवीर पडिक्कल हा मागील हंगामातदेखील आरसीबीचा एक भाग होता पण त्याला खेळण्याची संधी मिळाली नाही, पण यंदा मात्र त्याला डेब्यू करण्याची संधी मिळेल अशी चर्चा रंगली आहे. तो बंगलोरचा स्थानिक मुलगा असल्याने आरसीबीमध्ये पसंत केला जात आहे.

रुतुराज गायकवाड

गेल्या वर्षी महाराष्ट्राकडून खेळणाऱ्या गायकवाडसाठी घरगुती क्रिकेटमध्ये एक चांगला हंगाम ठरला आणि तो आता भारत ए संघाचा नियमित सदस्य आहे. सीएसके संघातील सर्वात युवा खेळाडूंमध्ये 23 वर्षीय गायकवाड आहे जे 'डॅडीज आर्मी' म्हणूनही ओळखले जाते. सीएसकेला गेल्या मोसमात फलंदाजीने संघर्ष करावा लागला होता आणि एमएस धोनीवर जास्त अवलंबून होते. कदाचित ही वेळ एखाद्या युवा सदस्याकडे सोपवून त्याच्यावर विश्वास दर्शविण्याची आहे आणि सुरेश रैना वैयक्तिक कारणास्तव हंगाम न खेळणार नसल्याने गायकवाडमध्ये पदार्पण करण्याची प्रत्येक संधी आहे.

अब्दुल समद

आयपीएल 2020 च्या लिलावात काश्मिरचा एकमेव क्रिकेटपटू म्हणून सनरायझर्स हैदराबादलाने त्याला त्याच्या मूळ किमतीत, 20 लाखात खरेदी केले. हैदराबाद हा एक संघ आहे जो मधल्या फळीतील भारतीय फलंदाजांवर अवलंबून आहे आणि मधल्या ओव्हरमध्ये स्वातंत्र्यासह खेळण्याची समद योग्य असू शकेल. समदने 11 टी -20 खेळले आहेत आणि त्याच्या मोठ्या हिट्ससाठी ओळखला जातो.