IND vs AUS 2020-21: टीम इंडियाच्या ऑस्ट्रेलिया दौऱ्यावर टी-20, वनडे मालिकेचे वेळापत्रक जाहीर; पाहा कधी आणि कुठे होणार सामने
आरोन फिंच आणि विराट कोहली (Photo Credit: Getty)

भारतीय टीम (Indian Team) कोरोना स्थिती सुधारल्यास यंदा डिसेंबर महिन्यात ऑस्ट्रेलिया (Australia) दौऱ्यावर जाणार आहे. क्रिकेट ऑस्ट्रेलिया तसे शेड्युलही तयार केले आहे. आणि आता ऑस्ट्रेलिया बोर्ड (Cricket Australia) 2020-21 च्या मोसमातील वेळापत्रक निश्चित करणारे पहिले बोर्ड ठरले. कोरोनामुळे यंदाच्या सर्व क्रीडा स्पर्धांवर परिणाम झाले. ऑस्ट्रेलियाच्या 2020-21 च्या मोसमात भारत आणि अफगाणिस्तानविरुद्ध कसोटी सामन्यांसह भारत, न्यूझीलंड आणि झिम्बाब्वे विरुद्ध टी-20 आणि भारत, न्यूझीलंड आणि वेस्ट इंडीज विरुद्ध वनडे सामन्यांचा समावेश आहे. भारताच्या ऑस्ट्रेलिया दौऱ्याची सुरुवात टी-20 मालिकेने होईल. त्यानंतर चार सामन्यांची कसोटी (Test) आणि तीन सामन्यांची वनडे (ODI) मालिका खेळली जाईल. या दौऱ्यावर टीम इंडिया पहिल्यांदा विदेशी मातीवर डे-नाईट कसोटी मालिकाही खेळणार आहे. हा सामना अ‍ॅडिलेडच्या मैदानावर खेळला जाईल. (IND vs AUS 2020: भारत-ऑस्ट्रेलिया कसोटी मालिकेचे वेळापत्रक जाहीर; अ‍ॅडिलेड मैदानावर खेळला जाणार एकमेव डे-नाईट टेस्ट)

टी-20 वर्ल्ड कप आधी दोन्ही टीममध्ये टी-20 मालिका खेळली जाईल. 11, 14 आणि 17 ऑक्टोबर रोजी गब्बा, मानुका ओव्हल आणि अ‍ॅडिलेड ओव्हल येथे ऑस्ट्रेलिया-भारत दरम्यान टी-टी-20 मालिका खेळली जाईल. त्यांनतर डिसेंबरमध्ये कसोटी मालिकेला सुरुवात होईल. सिडनी येथे भारतीय कसोटी मोहिमेच्या समाप्तीनंतर पर्थ स्टेडियमवर 12 जानेवारी रोजी वनडे मालिकेच्या पहिल्या सामन्यात दोन्ही संघ आमने-सामने येतील. त्यानंतर मेलबर्न (15 जानेवारी) आणि सिडनीमध्ये (17 जानेवारी) दौऱ्याचा अखेरचा सामना रंगेल.

पाहा संपूर्ण वेळापत्रक: टी-20 मालिका

11 ऑक्टोबर: ब्रिस्बेन

14 ऑक्टोबर: कॅनबेरा

17 ऑक्टोबर: अ‍ॅडलेड ओव्हल

वनडे मालिका:

12 जानेवारी: पर्थ

15 जानेवारी: मेलबर्न

17 जानेवारी: सिडनी