IND vs ENG 2nd Test 2021: दुसऱ्या चेन्नई टेस्ट सामन्यासाठी इंग्लंड संघ जाहीर; पहा कोण IN, कोण OUT
चेन्नई येथील कसोटी मालिकेतील पहिल्या सामन्याने इंग्लंडच्या भारत दौऱ्याला सुरुवात झाली आहे. या सामन्यासाठी इंग्लंड आणि वेल्स क्रिकेट बोर्डाने नुकतंच प्लेइंग इलेव्हनची घोषणा केली आहे. यामधून जेम्स अँडरसन, जोफ्रा आर्चरसह 4 प्रमुख खेळाडूंना बाहेर करण्यात आले आहे.
IND vs ENG 2nd Test 2021: चेन्नई (Chennai) येथील कसोटी मालिकेतील पहिल्या सामन्याने इंग्लंडच्या भारत दौऱ्याला (England Tour of India) सुरुवात झाली आहे. पहिलाच कसोटी सामना जिंकत इंग्लंडने मालिकेत 0-1 अशी आघाडी घेतली असून मालिकेतील दुसरा कसोटी सामना शनिवार, 13 फेब्रुवारी चेन्नईच्या एम. ए चिदंबरम स्टेडियमवर खेळला जाणार आहे. या सामन्यासाठी इंग्लंड आणि वेल्स क्रिकेट बोर्डाने नुकतंच प्लेइंग इलेव्हनची घोषणा केली आहे. यामधून जेम्स अँडरसन (James Anderson), जोफ्रा आर्चरसह 4 प्रमुख खेळाडूंना बाहेर करण्यात आले आहे. यांच्या जागी इंग्लंड इलेव्हनमध्ये बेन फोक्स, मोईन अली, स्टुअर्ट ब्रॉड (Stuart Broad), ऑली स्टोन आणि क्रिस वोक्स यांचा समावेश झाला आहे. तीन खेळाडूंना विश्रांती देण्यात आली आहे, तर आर्चर दुखापतीमुळे इलेव्हनमुळे बाहेर पडला आहे. वोक्स आणि स्टोन यांच्यातील एक दुसर्या कसोटी सामन्यात 11 प्लेइंग इलेव्हनमध्ये सामील होईल. (IND vs ENG 2nd Test: दुसऱ्या चेन्नई टेस्टसाठी Virat Kohli ने कसली कंबर, नेटमध्ये गाळला चांगलाच घाम, पहा Photos)
इंग्लंडने आपल्या खेळाडूंना आराम देण्याच्या रणनीती म्हणून बेस, अँडरसन आणि बटलरला बाहेर ठेवले आहे. तथापि, दुखापतीमुळे आर्चर दुसरा कसोटी सामना खेळू शकणार नाही. इंग्लंडला परत गेल्याने बटलर यापुढे उर्वरित तीन सामने खेळणार नसल्याने फोक्स संघाचा मुख्य यष्टीरक्षक असेल. उर्वरित संघात इंग्लंडने कोणतेही बदल केलेले नाही. खराब कामगिरी करून रोरी बर्न्स आणि डॅन लॉरेन्स दुसर्या कसोटीत खेळतील. या व्यतिरिक्त, लीच देखील त्याचे स्थान वाचवण्यात यशस्वी झाला आहेत. मोईन अली दुसर्या कसोटी सामन्यात डोम बेसच्या जागी खेळेल. ब्रॉड अँडरसनची जागा घेईल. शिवाय आर्चरच्या जागी वोक्स किंवा स्टोनला एका खेळाडूला संघात स्थान देण्यात येईल.
England have announced their 12 for the second #INDvENG Test
IN: Foakes, Ali, Broad, Stone, Woakes
OUT: Buttler, Bess, Anderson, Archer pic.twitter.com/MFrNrxyK5f
— ESPNcricinfo (@ESPNcricinfo) February 12, 2021
असा आहे इंग्लंडचा दुसऱ्या टेस्टचा 12 सदस्यीय संघ: रोरी बर्न्स, डॉम सिबली, डॅन लॉरेन्स, जो रूट (कॅप्टन), बेन स्टोक्स, ओली पोप, बेन फोक्स (विकेटकीपर), मोईन अली, स्टुअर्ट ब्रॉड, जॅक लीच, क्रिस वोक्स/ओली स्टोन.
(The above story first appeared on LatestLY on Feb 12, 2021 01:08 PM IST. For more news and updates on politics, world, sports, entertainment and lifestyle, log on to our website latestly.com).
