विराट कोहली (Photo Credit: PTI)

IND vs ENG 1st Test: भारत (India) आणि इंग्लंड (England) यांच्यातील पहिला नॉटिंगहम कसोटी (Nottingham Test) सामना चौथ्या दिवसानंतर विराट कोहलीची फौज विजयाच्या दिशेने वाटचाल करत आहे, पण भारतीय कर्णधाराला एका वेगळ्या कारणासाठी ट्रोल केले जात आहे. आणि ते म्हणजे कारण त्याने एकाच दिवसात अनेक चुकीचे निर्णय घेतले. इंग्लंडने पहिल्या डावात निराशा केल्यानंतर चांगली लढत दिली आणि कर्णधार जो रूटच्या शानदार 109 धावांच्या जोरावर नॉटिंगहममध्ये भारताविरुद्ध सुरू असलेल्या पहिल्या कसोटीच्या दुसऱ्या डावात बोर्डवर 303 धावांपर्यंत मजल मारली. पहिल्या डावात प्रभावित केलेल्या भारतीय वेगवान गोलंदाजांना दुसऱ्या डावात संघर्ष करावा लागला पण अखेरीस काही अडथळ्यांना सामोरे गेल्यानंतर सर्व दहा विकेट्स घेण्यात ते यशस्वी ठरले. (IND vs ENG 1st Test Day 5 Live Streaming: भारत विरुद्ध इंग्लंड पहिल्या कसोटी सामन्याच्या पाचव्या दिवसाचे लाईव्ह प्रक्षेपण Sony Six नेटवर्क व DD Sports वर असे पाहा)

या अडथळ्यांमध्ये काही खराब रिव्यूचा देखील समावेश होता जो भारताच्या बाजूने लागला नाही कारण कर्णधार विराट कोहली (Virat Kohli) ट्रेंट ब्रिज (Trent Bridge) वरील स्टँडमध्ये उपस्थित असलेल्या इंग्लिश चाहत्यांच्या टोमण्यांचा विषय बनला. ट्रेंट ब्रिज कसोटीच्या चौथ्या दिवशी विराटने आपले सर्व रिव्यू व्यर्थ घालवले. कोहलीने अनेक वेळा टेलिव्हिजन अंपायरची मदत घेण्याचा प्रयत्न केला पण त्याची ही चाल अयशस्वी ठरली. अशा स्थितीत टीम इंडियाच्या कर्णधार स्टेडियममध्येच ट्रोलचा बळी पडला. प्रेक्षकांमध्ये बसलेले इंग्लिश चाहते डीआरएस सिग्नलचे हात हावभाव करताना दिसले आणि भारतीय कॅप्टनवर सर्व रिव्यू वाया घालवण्यासाठी ट्रोल केले. चाहत्यांनी कोहलीला ट्रोल केल्याचे फोटो एका चाहत्याने ट्विटरवर शेअर केले आहे.

दरम्यान, भारत आणि इंग्लंड या दोन्ही संघांदरम्यान मालिकेचा सलामीच्या सामन्यात एक मनोरंजक स्पर्धा पाहायला मिळाली आहे. यजमान संघाला दुसऱ्या डावात 303 धावांवर गुंडाळल्यानंतर भारताला कसोटी सामना जिंकण्यासाठी आणि पाच सामन्यांच्या मालिकेत 1-0 अशी आघाडी घेण्यासाठी 209 धावांचे लक्ष्य देण्यात आले. सलामीवीर रोहित शर्मा आणि केएल राहुल संघाला मजबूत सुरुवात देऊ शकले नाहीत कारण राहुल 38 चेंडूत 26 धावांवर बाद झाला. रोहितने (नाबाद 12) त्यानंतर चेतेश्वर पुजारासह (12*) बोर्डवर आणखी 18 धावा जोडल्या आणि चौथ्या दिवसाचा खेळ संपला तेव्हा दोघे नाबाद परतले. भारत आता पहिली कसोटी जिंकण्यापासून फक्त 157 धावा दूर आहे परंतु फलंदाजांना 5 व्या दिवशी सावधगिरी बाळगणे आवश्यक आहे कारण इंग्लिश गोलंदाज नक्कीच विकेट्स घेण्याच्या निर्धारित असतील.