रोहित शर्मा (Image Credit: AP/PTI Photo)

टीम इंडियाचा कर्णधार रोहित शर्मा (Rohit Sharma) साठी राजकोट (Rajkot) टी -20 खूप खास आहे. बांग्लादेश (Bangladesh) विरुद्ध राजकोटमधील दुसराटी-20 सामना त्याच्या कारकिर्दीतील 100 वा सामना आहे. 100आंतरराष्ट्रीय टी-20 सामने खेळणारा रोहित पहिला भारतीय, जगातील दुसरा क्रिकेटपटू बनला आहे. यापूर्वी, माजी पाकिस्तानी अष्टपैलू शोएब मलिक (Shoaib Malik) याने 100 टी-20 सामने खेळण्याचा पराक्रम केला आहे. मलिकने 111 टी-20 सामने खेळत निवृत्ती जाहीर केली. या सामन्यात रोहितने टॉस जिंकून प्रथम गोलंदाजीचा निर्णय घेतला आहे. टी -20 सामन्यात 2452 धावा करणारा रोहित सर्वाधिक धावा करणारा आहे. या काळात रोहितचा स्ट्राइक रेट 136.67 आहे, ज्यात चार शतके आणि 17 अर्धशतकांचा समावेश आहे. पण, आजच्या सामन्यात रोहितने टी-20 क्रिकेटमधील त्याचे 18 वे अर्धशतक केले आणि अनेक रेकॉर्डस् ची नोंद केली. (IND vs BAN 2nd T20I: रिषभ पंत याच्या चुकीच्या Stumping वर भडकले Netizens, झाली एम एस धोनी याची आठवण, पाहा Tweets)

बांग्लादेशविरुद्ध दुसऱ्या टी-20 सामन्यात 24 धावा करत रोहितने 2019 मध्ये त्याचे 2000 धावा पूर्ण केल्या. या सामन्यापूर्वी रोहितने यावर्षी क्रिकेटच्या वनडे, टेस्ट आणि टी-20 मध्ये 54.88 च्या सरासरीने 1976 धावा केल्या आहेत. रोहितने आजवर यावर्षी 9 शतके आणि 7 अर्धशतके झळकावली आहेत. 48 धावा करत टी-20 मध्ये 2500 धावा करणारा रोहित पहिला फलंदाज बनला आहे. शिवाय, रोहितने राजकोटमध्ये रोहितने पाच चौकार मारत यावर्षी 200 चौकार पूर्ण केल्या.

टी-20 मध्ये सर्वाधिक धावा करण्याचा विक्रम रोहितच्या नावावर आहे. भारताचा नियमित कर्णधार विराट कोहली (Virat Kohli) या यादीत दुसर्‍या स्थानावर आहे. कोहलीने आतापर्यंत टी-20 सामन्यात 2450 धावा केल्या आहेत.