D'Arcy Short (Photo Credit: Getty)

नवीन वर्षामध्ये भारतविरुद्ध होणार्‍या 3 एकदिवसीय सामन्यांच्या मालिकेसाठी ऑस्ट्रेलियाने (Australia) सोमवारी डावखुरा सलामी फलंदाज डार्सी शॉर्ट (D'Arcy Short) याचा समावेश करण्याची घोषणा केली. शॉर्टला वेगवान गोलंदाज सीन एबॉट (Sean Abbott) याच्याऐवजी ऑस्ट्रेलियाच्या संघात सामिल केले आहे. एबॉटला दुखापत झाल्याने त्याला भारत दौऱ्यावरून माघार घ्यावी लागली आहे. शुक्रवारी सिडनी सिक्सर्सच्या बिग बॅश लीग (Big Bash League) सामन्यादरम्यान एबॉटला साइड-स्ट्रेनचा त्रास झाला. एबॉट चार आढावाद्यांसाठी बाहेर झाला आहे. भारत दौऱ्यासाठी ऑस्ट्रेलियाच्या संघात मिशेल स्टार्क, पॅट कमिन्स, जोश हेझलवुड आणि केन रिचर्डसन यांसारखे 4 वेगवान गोलंदाज आहेत. शॉर्ट, त्याच्या मोठ्या फलंदाजीच्या क्षमतेशिवाय वेगवान गोलंदाजीचा पर्याय देखील उपलब्ध आहे कारण तो एक सुलभ लेगस्पिनर आहे. शॉर्टने ऑस्ट्रेलियाकडून फक्त चार वनडे सामने खेळले आहेत. त्याने शेवटचा सामना नोव्हेंबर 2018 मध्ये दक्षिण आफ्रिकेविरूद्ध खेळला होता. (Australia Tour Of India 2020: टीम इंडियाविरुद्ध वनडे मालिकेसाठी ऑस्ट्रेलिया संघ जाहीर, 'या' प्रभावी खेळाडूंचा झाला समावेश)

काही दिवसांपूर्वी ऑस्ट्रलियाने भारत दौऱ्यासाठी संघ जाहीर केला होता. यामध्ये टेस्ट क्रिकेटमध्ये मार्नस लाबूशेन (Marnus Labuschagne) याला 14 सदस्यीय संघात स्थान मिळाले आहेत. दुसरीकडे, अ‍ॅडम झांपा आणिअ‍ॅश्टन अगरचा फिरकी गोलंदाज म्हणून समावेश झाला आहे. दोन्ही संघातील पहिला सामना 14 जानेवारीला मुंबईत, 17 जानेवारीला राजकोट आणि अंतिम सामना 19 जानेवारीला बेंगळुरूमध्ये खेळवला जाईल.

असा आहे ऑस्ट्रेलिया वनडे संघ: आरोन फिंच (कॅप्टन), डार्सी शॉर्ट, अ‍ॅश्टन अगर, अ‍ॅलेक्स कॅरी (उपकर्णधार), पॅट कमिन्स (उपकर्णधार), पीटर हँडसकॉम्ब, जोश हेजलवुड, मार्नस लाबूशेन, केन रिचर्डसन, स्टीव्हन स्मिथ, मिशेल स्टार्क, अ‍ॅश्टन टर्नर, डेव्हिड वॉर्नर आणि अ‍ॅडम झांपा.