IND vs SA 2nd T20I Live: दक्षिण आफ्रिकेविरुद्धच्या दुसऱ्या टी-20 सामन्यात हे दिग्गज खेळाडू करु शकतात कहर, करु शकतात मोठी कामगिरी
मालिकेतील पहिला सामना पावसामुळे रद्द झाला होता. अशा स्थितीत आता उर्वरित दोन सामने जिंकणारा संघच मालिकेवर कब्जा करेल. अशा स्थितीत प्रत्येक सामना महत्त्वाचा असेल. या मालिकेत टीम इंडियाची कमान सूर्यकुमार यादवच्या खांद्यावर आहे. त्याचबरोबर दक्षिण आफ्रिकेची कमान एडन मार्करामच्या हाती आहे.
IND vs SA T20 Series: टीम इंडिया आणि दक्षिण आफ्रिका (IND vs SA) यांच्यातील तीन सामन्यांच्या टी-20 मालिकेतील दुसरा सामना आज म्हणजेच 12 डिसेंबरला होणार आहे. रात्री 8.30 वाजल्यापासून गकेबरहा शहरातील सेंट जॉर्ज पोर्क येथे हा सामना खेळवला जाईल. हा सामना दक्षिण आफ्रिकेत संध्याकाळी 5 वाजता सुरू होईल. या मालिकेतील पहिला सामना पावसामुळे रद्द झाला होता. अशा स्थितीत आता उर्वरित दोन सामने जिंकणारा संघच मालिकेवर कब्जा करेल. अशा स्थितीत प्रत्येक सामना महत्त्वाचा असेल. या मालिकेत टीम इंडियाची कमान सूर्यकुमार यादवच्या खांद्यावर आहे. त्याचबरोबर दक्षिण आफ्रिकेची कमान एडन मार्करामच्या हाती आहे. (हे देखील वाचा: IND vs SA 2nd T20I Live Streaming: भारत आणि दक्षिण आफ्रिका यांच्यात आज होणार दुसरा टी-20 सामना, जाणून घ्या कधी अन् कुठे पाहणार लाइव्ह)
ऋतुराज गायकवाड : टीम इंडियाचा युवा सलामीवीर फलंदाज ऋतुराज गायकवाडने मागील सामन्यांमध्ये सलामीवीर म्हणून स्वत:ला सिद्ध केले आहे. ऋतुराज गायकवाडने टी-20 क्रिकेटमध्ये अप्रतिम खेळी खेळली आहे. ऋतुराज गायकवाडने भारतीय भूमीवर ऑस्ट्रेलियाविरुद्धच्या 5 टी-20 सामन्यांच्या मालिकेत सर्वाधिक 223 धावा केल्या. यादरम्यान ऋतुराज गायकवाडने 123 धावांची अप्रतिम नाबाद खेळी खेळली आणि आपले पहिले आंतरराष्ट्रीय शतक झळकावले.
रिंकू सिंग : टीम इंडियाचा युवा फलंदाज रिंकू सिंगने ऑस्ट्रेलियाविरुद्ध खळबळ उडवून दिली होती. रिंकू सिंगचा युवा फिनिशर म्हणून संघात समावेश करण्यात आला आहे. रिंकू सिंगने ऑस्ट्रेलियाविरुद्ध खेळल्या गेलेल्या मालिकेतील 4 डावात 175 च्या स्ट्राइक रेटने धावा केल्या. यादरम्यान रिंकू सिंगने दुसऱ्या टी-20 सामन्यात केवळ 9 चेंडूत 344.44 च्या स्ट्राईक रेटने 37 धावा जोडल्या होत्या. अशा स्थितीत रिंकू सिंगची खरी कसोटी दक्षिण आफ्रिका दौऱ्यावर असेल.
रवी बिश्नोई : टीम इंडियाचा स्टार गोलंदाज रवी बिश्नोईने आपल्या कामगिरीने सर्वांना प्रभावित केले आहे. रवी बिश्नोईने ऑस्ट्रेलिया टी-20 मालिकेत भारतीय संघासाठी किफायतशीर गोलंदाजी केली. या मालिकेतील 5 सामन्यांमध्ये त्याने 8.20 च्या इकॉनॉमी रेटने सर्वाधिक 9 विकेट घेतल्या.त्यासाठी त्याची मालिका सर्वोत्कृष्ट खेळाडू म्हणूनही निवड करण्यात आली. दक्षिण आफ्रिका मालिकेसाठीही बिश्नोईची निवड झाली आहे.
यशस्वी जैस्वाल: टीम इंडियाची युवा सलामीवीर फलंदाज यशस्वी जैस्वालसाठी आगामी दक्षिण आफ्रिकेची मालिका खूप महत्त्वाची असणार आहे. यशस्वी जैस्वालने आतापर्यंत 12 टी-20 डावात 370 धावा केल्या आहेत. या काळात यशस्वी जैस्वालने एक शतक आणि दोन अर्धशतकंही झळकावली आहेत. ऑस्ट्रेलियाविरुद्धच्या मालिकेतही यशस्वी जयस्वालने सामन्यात सलामी देत भारतीय संघाला वेगवान सुरुवात करून दिली.
दोन्ही संघांची अशी असू शकते प्लेइंग इलेव्हन
टीम इंडिया: यशस्वी जैस्वाल, ऋतुराज गायकवाड/शुभमन गिल, श्रेयस अय्यर, सूर्यकुमार यादव (कर्णधार), रिंकू सिंग, जितेश शर्मा (यष्टीरक्षक), रवींद्र जडेजा, मुकेश कुमार, कुलदीप यादव/रवी बिश्नोई, मोहम्मद सिराज, अर्शदीप सिंग.
दक्षिण आफ्रिका: रीझा हेंड्रिक्स, मॅथ्यू ब्रेट्झके, एडन मार्कराम, हेनरिक क्लासेन (विकेटकीपर), डेव्हिड मिलर, डोनोव्हन फेरीरा, मार्को यान्सिन/अँडिले फेहलुखवायो, केशव महाराज, जेराल्ड कोएत्झी, नांद्रे बर्गर, तबरेझ शम्सी.