ICC WTC Final 2021: फायनल सामन्यात Virat Kohli याचा अडथळा दूर करण्यासाठी या दक्षिण आफ्रिकी दिग्गजाने किवी संघाला दिला कानमंत्र, जाणून घ्या

केन विल्यमसनच्या नेतृत्वातील न्यूझीलंडला साऊथॅम्प्टन येथे WTC अंतिम सामन्यात भारताचा सामना करताच दोन डावांमध्ये विराट कोहली ला लवकरात लवकर स्वस्तात पॅव्हिलियनचा रस्ता दाखवला आवडेल. त्याच्यासाठी दक्षिण आफ्रिकेचा दिग्गज गोलंदाज डेल स्टेन किवी संघासाठी एक योजना घेऊन समोर आला आहे.

विराट कोहली, ऑस्ट्रेलिया विरुद्ध भारत 1st टेस्ट (Photo Credit: PTI)

ICC WTC Final 2021: विराट कोहली (Virat Kohli) हा आधुनिक काळातील सर्वोत्कृष्ट फलंदाज आणि अव्वल क्रमांकाचा क्रिकेटपटू म्हणून ओळखला जातो. 32 वर्षीय भारतीय कर्णधार आजपासून सुरु होणाऱ्या आयसीसी वर्ल्ड टेस्ट चॅम्पियनशिपच्या अंतिम (World Test Championship Final) सामन्यात टीम इंडियाचे (Team India) नेतृत्व करताना मैदानात उतरणार आहे. कोहली त्याच्या प्रतिस्पर्ध्यांपेक्षा 22,000 पेक्षा जास्त आंतरराष्ट्रीय धावांनी बराच पुढे आहे, त्यामुळे जेव्हा जेव्हा विरोधी संघ टीम इंडियाचा सामना करत तेव्हा त्यांच्या कोहली नेहमीच चर्चेचा केंद्रबिंदू असतो. म्हणूनच केन विल्यमसनच्या नेतृत्वातील न्यूझीलंडला (New Zealand) साऊथॅम्प्टन (Southmpton) येथे WTC अंतिम सामन्यात भारताचा सामना करताच दोन डावांमध्ये कोहलीला लवकरात लवकर स्वस्तात पॅव्हिलियनचा रस्ता दाखवला आवडेल. त्याच्यासाठी दक्षिण आफ्रिकेचा दिग्गज गोलंदाज डेल स्टेन (Dale Steyn) किवी संघासाठी एक योजना घेऊन समोर आला आहे. (आयसीसी वर्ल्ड टेस्ट चॅम्पियनशिपच्या फायनलसाठी सौरव गांगुली चा Team India ला 'हा' महत्त्वपूर्ण सल्ला)

स्टेनने शुक्रवारी सांगितले की जेव्हा तो आपल्या गोलंदाजीच्या पराक्रमाच्या शिखरावर होता आणि विराट कोहलीला भारतीय संघात जागा निर्मित करत होता तेव्हा तेव सध्याच्या भारतीय कर्णधाराचा आत्मविश्वास मोडण्यासाठी “माईंड गेम्स” खेळून काही युक्त्या वापरायचा. स्टेन म्हणाला, “तुम्हाला विराटबरोबर “माईंड गेम्स” खेळायला आले पाहिजेत. कोहलीविरुद्ध मी शॉर्ट लेगमध्ये एक फील्डर ठेवेन. मला त्याच्या शरीरावर हल्ला करायचा आहे हे त्याला पटवून देईन. मी त्याच्याकडून पुल शॉट खेळवण्याचा प्रयत्न करेन कारण मला वाटते की हा त्याचा बी गेम आहे. कोहलीपुढे मी कधी जाहीर होऊ देणार नाही की मला कुठे बॉलिंग करायची आहे. तथापि, मला चेंडू स्विंग करणे आवडत असले तरी मी त्याला वर चेंडू टाकेन. यामुळे त्याची एलबीडब्ल्यू, बोल्ड आणि विकेटच्या मागे कॅच-आऊट होण्याची शक्यता अधिक होते,” स्टेनने संजय मांजरेकर यांना Cricinfo.com वर सांगितले.

दरम्यान, साऊथॅम्प्टन येथील एजस बाउल येथे भारत आणि न्यूझीलंड संघातील महामुकाबल्याचे पहिले सत्र पाण्याखाली गेले आहे. विशेष म्हणजे संपूर्ण पाच दिवशी साऊथॅम्प्टनमध्ये पावसाची शक्यता हवामान खात्याने वर्तवली आहे. त्यामुळे, जर हा बहुचर्चित सामना अनिर्णित राहिला तर दोन्ही संघाना संयुक्त विजेता घोषित केले जाईल.