SRH vs MI (Photo Credit - X)

Hyderabad vs Mumbai, TATA IPL 2025 41th Match Key Players To Watch Out: इंडियन प्रीमियर लीगच्या चा 41 वा सामना सनरायझर्स हैदराबाद विरुद्ध मुंबई इंडियन्स यांच्यात खेळला जाईल. दोन्ही संघांमधील हा सामना भारतीय वेळेनुसार संध्याकाळी 7.30 वाजता हैदराबादच्या राजीव गांधी आंतरराष्ट्रीय स्टेडियमवर खेळला जाईल. हार्दिक पंड्याच्या नेतृत्वाखालील मुंबई इंडियन्सने आठ पैकी चार सामने जिंकले आहेत आणि चार पराभव पत्करले आहेत. आठ गुणांसह, मुंबई पॉइंट टेबलमध्ये सहाव्या स्थानावर आहे. सनरायझर्स हैदराबादची परिस्थिती चांगली नाही. दुसरीकडे सनरायझर्स हैदराबादनेही सात सामने खेळले आहेत पण त्यांना फक्त दोन जिंकता आले आहेत तर पाच सामने गमावले आहेत. सनरायझर्स हैदराबाद पॉइंट्स टेबलमध्ये नवव्या स्थानावर आहे. जर आज सनरायझर्स हैदराबाद जिंकला तर ते आठव्या स्थानावर येईल. अशा परिस्थितीत हा सामना खूपच रोमांचक होणार आहे.

सनरायझर्स हैदराबाद विरुद्ध मुंबई इंडियन्स आकडेवारी

आयपीएलच्या इतिहासात सनरायझर्स हैदराबाद आणि मुंबई इंडियन्स यांच्यात एकूण 24 सामने खेळले गेले आहेत. या काळात, मुंबई इंडियन्सने वरचढ कामगिरी केली आहे. मुंबई इंडियन्स संघाने 14 सामने जिंकले आहेत. तर, सनरायझर्स हैदराबादने फक्त 10 सामने जिंकले आहेत. या हंगामात दोन्ही संघांमधील ही दुसरी भेट आहे. या हंगामातील पहिल्या सामन्यात मुंबई इंडियन्सने सनरायझर्स हैदराबादचा 4 गडी राखून पराभव केला. आयपीएलच्या गेल्या हंगामात दोन्ही संघांमध्ये दोन सामने खेळले गेले होते. या काळात दोन्ही संघांनी प्रत्येकी एक सामना जिंकला.

सर्वांच्या नजरा 'या' खेळाडूंवर असतील

अभिषेक शर्मा: सनरायझर्स हैदराबादचा स्फोटक फलंदाज अभिषेक शर्माने गेल्या 10 सामन्यांमध्ये 431 धावा केल्या आहेत. या काळात अभिषेक शर्माने 179.32 च्या स्फोटक स्ट्राईक रेटने धावा केल्या आहेत. अभिषेक शर्माची आक्रमक फलंदाजी एसआरएचसाठी महत्त्वाची भूमिका बजावू शकते.

हेनरिक क्लासेन: सनरायझर्स हैदराबादचा घातक फलंदाज हेनरिक क्लासेनने 347 धावा केल्या आहेत. या काळात, हेनरिक क्लासेनने 61 च्या सरासरीने धावा केल्या आहेत. जर हेनरिक क्लासेन स्थिरावला तर तो विरोधी गोलंदाजांसाठी मोठ्या समस्या निर्माण करू शकतो.

मोहम्मद शमी: एसआरएचचा घातक फलंदाज मोहम्मद शमीने आतापर्यंत 9 सामन्यांमध्ये 16 विकेट्स घेतल्या आहेत. या काळात, मोहम्मद शमीने 7.44 च्या इकॉनॉमीने गोलंदाजी केली आहे. डेथ ओव्हर्समध्ये मोहम्मद शमीची गोलंदाजी विरोधी संघांचे कंबरडे मोडू शकते.

रोहित शर्मा: मुंबई इंडियन्सचा घातक सलामीवीर रोहित शर्माने सनरायझर्स हैदराबादविरुद्ध 23 डावात 132.63 च्या स्ट्राईक रेटने 848 धावा केल्या आहेत. रोहित शर्माचा सर्वोत्तम स्कोअर 94 धावा आहे. जर रोहित शर्मा मैदानावर राहिला तर तो एकाच सामन्यात हा आकडा गाठू शकतो.

सूर्यकुमार यादव: मुंबई इंडियन्सचा घातक फलंदाज सूर्यकुमार यादवने गेल्या 10 डावांमध्ये 381 धावा केल्या आहेत. यादरम्यान, सूर्यकुमार यादवने 161.59 च्या स्ट्राईक रेटने धावा केल्या आहेत. सूर्यकुमार यादवचे शानदार टायमिंग आणि क्लासिक फटके सामना मुंबई इंडियन्सच्या बाजूने वळवू शकतात.

जसप्रीत बुमराह: मुंबई इंडियन्सचा स्टार गोलंदाज जसप्रीत बुमराहने गेल्या नऊ सामन्यांमध्ये 16 विकेट्स घेतल्या आहेत. जसप्रीत बुमराहची अचूक गोलंदाजी फलंदाजांना त्रास देऊ शकते.

दोन्ही संघांच्या संभाव्य प्लेइंग इलेव्हन

सनरायझर्स हैदराबादः ट्रॅव्हिस हेड, अभिषेक शर्मा, इशान किशन, नितीश कुमार रेड्डी, हेनरिक क्लासेन (यष्टीरक्षक), अनिकेत वर्मा, पॅट कमिन्स (कर्णधार), हर्षल पटेल, जीशान अन्सारी, मोहम्मद शमी आणि इशान मलिंगा.

मुंबई इंडियन्स: रोहित शर्मा, रायन रिकेल्टन (यष्टीरक्षक), विल जॅक्स, सूर्यकुमार यादव, तिलक वर्मा, हार्दिक पांड्या (कर्णधार), नमन धीर, मिचेल सँटनर, दीपक चहर, ट्रेंट बोल्ट आणि जसप्रीत बुमराह.