Haryana Steelers Win PKL 2024: हरियाणाने प्रथमच प्रो कबड्डी लीगचे पटकावले विजेतेपद, अंतिम फेरीत 3 वेळा विजेत्या संघाचा केला पराभव
हरियाणा संघाने प्रथमच हे विजेतेपद पटकावले आहे. गेल्या वेळी हरियाणा स्टीलर्स संघ उपविजेता होता, मात्र यावेळी त्यांच्या खेळाडूंनी कोणतीही कसर सोडली नाही आणि विजेतेपदावर कब्जा केला. हरियाणाचे प्रशिक्षक मनप्रीत सिंग यांनी प्रशिक्षक म्हणून प्रथमच ट्रॉफी जिंकली आहे.
Pro Kabaddi League Season-11 Winner: हरियाणा स्टीलर्सने पटना पायरेट्सचा पराभव करत प्रो कबड्डी लीगच्या 11व्या हंगामाचे विजेतेपद पटकावले आहे. हरियाणा संघाने प्रथमच हे विजेतेपद पटकावले आहे. गेल्या वेळी हरियाणा स्टीलर्स संघ उपविजेता होता, मात्र यावेळी त्यांच्या खेळाडूंनी कोणतीही कसर सोडली नाही आणि विजेतेपदावर कब्जा केला. हरियाणाचे प्रशिक्षक मनप्रीत सिंग यांनी प्रशिक्षक म्हणून प्रथमच ट्रॉफी जिंकली आहे. पुण्यात झालेल्या पीकेएल सीझन 11 च्या अंतिम सामन्यात हरियाणा स्टीलर्सने पटना पायरेट्सचा 32-23 असा पराभव केला.
𝗥𝗢𝗞𝗘 𝗥𝗨𝗞𝗗𝗘 𝗡𝗜 𝗛𝗔𝗥𝗬𝗔𝗡𝗩𝗜 💙#HaqqSeHaryanvi #NonStopHaryanvi #DhaakadBoys #HSvsPAT pic.twitter.com/HfOoIAV9lP
— Haryana Steelers (@HaryanaSteelers) December 29, 2024
सुरुवातीलाच गाजवले वर्चस्व
हरियाणा स्टीलर्सच्या खेळाडूंनी सुरुवातीपासूनच आपले वर्चस्व कायम राखले. अंतिम सामन्यात शिवम पटारे याने दोन्ही संघातील खेळाडूंकडून सर्वाधिक 9 गुण मिळवले. मोहम्मदरेझा शाडलूने 7 गुण मिळवले. राहुल सतपाल आणि जयदीप यांनीही त्यांना चांगली साथ देत पटणा पायरेट्सच्या रेडर्सना रोखून धरले. शिवम पटारेच्या समोर पटनाचे खेळाडू काही चालले नाही. (हे देखील वाचा: Khel Ratna Nominations: खेलरत्न नामांकनातून Manu Bhaker गायब; 'अंतिम यादी अद्याप ठरलेली नाही', क्रिडा मंत्रालयाचे स्पष्टीकरण)
हरियाणा संघाचा बचाव होता उत्कृष्ट
पूर्वार्धानंतर दोन्ही संघ 15-12 अशा स्कोअरवर होते आणि हरियाणाकडे आघाडी होती. हरियाणा स्टीलर्सचे खेळाडू इथेच थांबले नाहीत आणि विजेतेपद मिळवण्यासाठी आले. उत्तरार्धात त्यांनी पटनाच्या खेळाडूंना एकही संधी दिली नाही आणि वर्चस्व प्रस्थापित केले. हरियाणा स्टीलर्सचा बचाव उत्कृष्ट होता आणि पाटणा पायरेट्सच्या चढाईपटूंकडे त्याचे उत्तर नव्हते. सरतेशेवटी हरियाणाने आपल्या प्रतिस्पर्धी खेळाडूंना टिकू दिले नाही. याच कारणामुळे हरियाणा संघ विजेतेपद पटकावण्यात यशस्वी ठरला.
हरियाणाने प्रथमच विजेतेपद पटकावले
पटना पायरेट्स संघाने यापूर्वी तीनवेळा प्रो कबड्डी लीगचे विजेतेपद पटकावले होते, मात्र यावेळी ते विजेतेपद हुकले आणि ट्रॉफी गमावली. पाटणाने 3, 4 आणि 5 या मोसमात सलग विजेतेपद पटकावले होते. त्यानंतर तो केवळ एकदाच अंतिम सामना हरला. दुसरीकडे, हरियाणा आणि त्यांचे प्रशिक्षक मनप्रीत यांचे हे पहिले विजेतेपद आहे. त्याच्या कोचिंग कारकिर्दीत त्याला ही ट्रॉफी जिंकता आली नाही. गेल्या मोसमात हरियाणाला अंतिम फेरीत पुणेरी पलटणकडून पराभव स्वीकारावा लागला होता.
(The above story first appeared on LatestLY on Dec 30, 2024 11:42 AM IST. For more news and updates on politics, world, sports, entertainment and lifestyle, log on to our website latestly.com).
