CSK vs PBKS, IPL 2024 49th Match Stats And Record Preview: चेन्नई सुपर किंग्स आणि पंजाब किंग्स यांच्यांत होणार रोमांचक सामना, आजच्या सामन्यात होऊ शकतात 'हे' मोठे विक्रम

CSK vs PBKS, IPL 2024 49th Match: इंडियन प्रीमियर लीग 2024 चा 49 वा सामना (IPL 2024) चेन्नई सुपर किंग्ज आणि पंजाब किंग्ज (CSK vs PBKS) यांच्यात होणार आहे. दोन्ही संघांमधील हा सामना चेन्नईचे होम ग्राऊंड असलेल्या एमए चिदंबरम स्टेडियमवर संध्याकाळी 7.30 वाजता सुरू होईल. या सामन्यात चेन्नई सुपर किंग्ज सहाव्या विजयासाठी तर पंजाब किंग्जचा या मोसमातील चौथा विजय असेल. त्याचबरोबर पंजाब किंग्जसाठी हा करा किंवा मरो असा सामना आहे. गेल्या सामन्यात पंजाब किंग्ज संघाने कोलकाता नाईट रायडर्सविरुद्ध 262 धावा करत लक्ष्याचा पाठलाग करताना सर्वात मोठा विजय मिळवला होता. अशा स्थितीत चेन्नई सुपर किंग्जला पॉइंट टेबलवर 8व्या क्रमांकावर असलेल्या पंजाब किंग्जपासून सावध राहावे लागणार आहे. या पराभवामुळे चेन्नई सुपर किंग्जच्या प्लेऑफमध्ये पोहोचण्याच्या आशांना धक्का बसू शकतो.

आजच्या सामन्यात होऊ शकतात हे मोठे विक्रम 

चेन्नई सुपर किंग्जचा माजी कर्णधार एमएस धोनीला इंडियन प्रीमियर लीगमध्ये 250 षटकार पूर्ण करण्यासाठी आणखी तीन षटकारांची गरज आहे.

पंजाब किंग्जचा घातक फलंदाज लियाम लिव्हिंगस्टोनला इंडियन प्रीमियर लीगमध्ये 1000 धावा पूर्ण करण्यासाठी आणखी 61 धावांची गरज आहे.

पंजाब किंग्जचा कर्णधार शिखर धवनला इंडियन प्रीमियर लीगमध्ये 100 झेल पूर्ण करण्यासाठी आणखी एका झेलची गरज आहे.

पंजाब किंग्जचा घातक फलंदाज जॉनी बेअरस्टोला इंडियन प्रीमियर लीगमध्ये 1500 धावांचा टप्पा गाठण्यासाठी आणखी पाच धावांची गरज आहे.

दोन्ही संघांच्या संभाव्य प्लेइंग इलेव्हनवर एक नजर

चेन्नई सुपर किंग्ज : ऋतुराज गायकवाड (कर्णधार), अजिंक्य रहाणे, डॅरिल मिशेल, मोईन अली, शिवम दुबे, रवींद्र जडेजा, एमएस धोनी (विकेटकीपर), दीपक चहर, तुषार देशपांडे, मुस्तफिजुर रहमान, मथेसा पाथीराना, शार्दुल ठाकूर.

पंजाब किंग्स : सॅम कुरन (कर्णधार), जॉनी बेअरस्टो, रिले रॉसो, जितेश शर्मा (विकेटकीपर), शशांक सिंग, आशुतोष शर्मा, हरप्रीत ब्रार, हर्षल पटेल, कागिसो रबाडा, राहुल चहर, अर्शदीप सिंग, प्रभसिमरन सिंग.