ENG vs SL 2021: टी-20 मालिका गमावल्यावर श्रीलंकन खेळाडूंना झटका, या दोन क्रिकेटपटूंवर बायो-बबल भंग केल्याचा आरोप (Watch Video)

ENG vs SL 2021: इंग्लंडविरुद्ध (England) तीन सामन्यांच्या टी-20 मालिकेत व्हाईट-वॉशनंतर श्रीलंकेचे (Sri Lanka) दोन क्रिकेटपटू, निरोशन डिकवेला (Niroshan Dickwella) आणि कुसल मेंडिस (Kusal Mendis), COVID-19 प्रोटोकॉलचा उल्लंघन करत डरहॅम येथे रस्त्यावर फिरत असल्याचे चित्र सोशल मीडियावर उघडकीस आलेले आहे. कुसल परेराच्या नेतृत्त्वातील संघाने खराब कामगिरी केली ज्यामुळे तीन सामन्यांच्या मालिकेत लंकन संघाला लज्जास्पद पराभावाला सामोरे जावे लागले. बायो-बबलच्या उल्लंघनाच्या संभाव्य प्रकरणात श्रीलंकेच्या व्यवस्थापक मनुजा करीयापेरुमा यांनी ESPNcricinfo यांना सांगितले की, टीम मॅनेजमेंट सोमवारी या प्रकरणाची चौकशी करणार आहे, परंतु प्रत्यक्षात हा भंग झाला आहे की नाही याची अद्याप पुष्टी करता झालेली नाही आहे. मेंडिस आणि डिकवेला इंग्लंडच्या रस्त्यावर धूम्रपान करतानाचा व्हिडिओ सोशल मीडियात व्हायरल होत आहे. (ENG vs SL 2nd T20I: इंग्लडच्या Sam Curran ने केलेला असा भन्नाट रनआऊट आपण नक्कीच पहिला नसेल, पाहा हा जबरदस्त Video)

दरम्यान, मेंडीस आणि डिकवेला यांनी खरोखरच हा बायो-बबलच्या नियमांचे उल्लंघन केल्याचे आढळून आल्यास त्यांना बरेच दिवस क्वारंटाईन ठेवले लागतील आणि तीन सामन्यांच्या मालिकेच्या किमान पहिल्या दोन एकदिवसीय सामन्यांसाठी उपलब्ध होणार नाहीत. खेळाडूंवरील आरोप सिद्ध झाल्यास त्यांना 2 आठवड्यांसाठी क्वारंटाईन ठेवले जाईल आणि ब्रिटन सरकारने दंड आकारला जाईल. दोषी आढळल्यास त्यांना श्रीलंका क्रिकेट बोर्डाकडूनही अतिरिक्त शिक्षा सुनावली जाण्याची शक्यता आहे. सर्व क्रिकेट बोर्डांनी जगभरात कोविड-19 चा धोका लक्षात घेता बायो-बबलमध्ये राहण्याऱ्या खेळाडूंसाठी कठोर प्रोटोकॉल आणि मार्गदर्शक तत्त्वे आत्मसात केली आहेत. तसेच यापूर्वी अनेक खेळाडूंना बबलचे उल्लंघन केल्याप्रकरणी आणि इतरांचा जीव धोक्यात घालण्यासाठी शिक्षा देण्यात आलेली आहे. 29 जुलै रोजी पहिल्या एकदिवसीय सामन्यासंघ डरहॅम (Durham) येथे आहे. आतापर्यंत असे समजले आहे की श्रीलंकेच्या खेळाडूंना कार्डिफमध्ये बाहेर जाण्याची परवानगी होती परंतु डोरहॅममध्ये कोविड- 19 रुग्णांची संख्या जास्त असल्यामुळे शहर मर्यादेबाहेर आहे.

Familiar faces in Durham tonight, enjoying their tour! Obviously not here to play cricket, this video was taken at 23.28 Sunday. Disappointing performance by these cricket players but not forgetting to enjoy their night at Durham. RIP #SrilankaCricket #KusalMendis #ENGvSL pic.twitter.com/eR15CWHMQx

— Nazeer Nisthar (@NazeerNisthar) June 28, 2021

रविवारी रात्री 11.30 वाजता चित्रीत झालेल्या या व्हिडिओमध्ये कुसल मेंडिसने मास्क घातले नसून त्याच्या हातात सिगारेट दिसत आहे. त्याच्यासमवेत निरोशन डिकवेला हा दुसरा क्रिकेटर होता. दुसरीकडे, इंग्लंड विरुद्ध श्रीलंका मालिकेच्या तिसर्‍या टी-20 आंतरराष्ट्रीय सामन्यातील आयसीसीचे मॅच रेफरी फिल व्हिटिकॅस यांची कोविड-19 टेस्ट देखील सकारात्मक आढळली आहे. दोन्ही संघांच्या कोणत्याही खेळाडूंनी सकारात्मक चाचणी आली नसली तरी यामुळे इंग्लंड आणि वेल्स क्रिकेट बोर्डाला (ईसीबी) पहिल्या वनडे सामन्यांच्या संपूर्ण अधिकाऱ्यांना बदलण्यास भाग पाडले आहे, कारण त्यापैकी अनेक जण एकमेकांच्या संपर्कात आले होते.

(The above story first appeared on LatestLY on Jun 28, 2021 02:08 PM IST. For more news and updates on politics, world, sports, entertainment and lifestyle, log on to our website latestly.com).