एमएस धोनी आणि विराट कोहली (Photo Credit: Twitter/ ChennaiIPL)

MS Dhoni New Look: चेन्नई सुपर किंग्सचा (Chennai Super Kings) कर्णधार महेंद्र सिंह धोनी (Mahendra Singh Dhoni) जितका त्याच्या विकेटकिपिंग आणि बॅटिंगसाठी प्रसिद्ध आहे, तितकंच त्याच्या प्रत्येक लूकची सोशल मीडियावर नेहमीच चर्चा रंगते. रॉयल चॅलेंजर्स बेंगलोरविरुद्ध (Royal Challengers Bangalore) आजच्या आयपीएलच्या (IPL) महामुकाबल्यात पुन्हा एकदा कॅप्टन कूल धोनीचा नवीन लूक पाहायला मिळाला. यंदा आयपीएलमध्ये येण्यापूर्वी धोनीने आपला लुक बदलला होता आणि आरसीबीविरुद्ध (RCB) सामन्यापूर्वी धोनीने पुन्हा एकदा आपल्या लूकमध्ये बदल केलेला दिसला. धोनीच्या या नव्या लूकची सोशल मीडियावर चर्चा सुरु रंगली आणि पाहून चाहते देखील त्याच्यावर फिदा झाले. सामन्याच्या काही काळ आधी धोनीने लूक बदल्याची हिंट सीएसकेने यापूवी ट्विट करून दिले होते. अखेर टॉस दरम्यान धोनीचा लूक सर्वांसमोर आला आणि चाहते देखील पाहून प्रभावित झाले आहेत. धोनीचा आजचा हा लुक सोशल मीडियावर चांगला व्हायरल झाला आहे. (CSK vs RCB, IPL 2020: विराट कोहलीने जिंकला टॉस, रॉयल चॅलेंजर्स करणार पहिले फलंदाजी; असे आहे आजचे Playing XI)

मजेची गोष्ट म्हणजे या वेळी धोनीचा लूकही पूर्वीपेक्षा जास्त पसंत करण्यात येत आहे. 'कॅप्टन कूल' धोनी यांनी आपल्या दाढीवरही कात्री चालवली आहे. दरम्यान धोनीच्या नवीन लुकची यूजर्स आमिर खानच्या 'गझनी' लूकशी करत आहे, तर काहींना धोनीच्या 2011 वर्ल्ड कप विजेत्या हेअर स्टाईलचीही आठवण आली. पाहा नेटकऱ्यांच्या प्रतिक्रिया:

नवीन 'थाला'

विंटेज धोनी!

टाळ्या

थाला आणि माझी केसांची समान स्टाईल 

आयपीएलमध्ये आरसीबीविरुद्ध धावा काढण्यात धोनी नेहमीच यशस्वी ठरला आहे, त्यामुळे आयपीएल 2020च्या 25व्या सामन्यात धोनी जुन्या फॅशनमध्ये दिसणार की नाही हे पाहणे औत्सुक्याचे ठरणार आहे. आयपीएलच्या गुणतालिकेत सध्या सीएसके सहाव्या क्रमांकावर आहे तर आरसीबी पाचव्या क्रमांकावर आहे. दुसरीकडे, आजच्या सामन्यात आरसीबी कर्णधार विराट कोहलीने टॉस जिंकला आणि फलंदाजीचा निर्णय घेतला. दोन्ही टीमने सामन्यासाठी प्लेइंग इलेव्हनमध्ये 1-1 बदल केला आहे. सीएसके आणि आरसीबी यांच्यातील आजचा आयपीएल सामना दुबई आंतरराष्ट्रीय क्रिकेट स्टेडियमवर खेळला जात आहे.