IPL न झाल्यास टीम इंडिया खेळाडूंना बसणार आर्थिक फटका, BCCI अध्यक्ष सौरव गांगुली यांनी खेळाडूंच्या वेतनात कपात करण्याचा दिला इशारा

कोरोना व्हायरसच्या (Coronavirus) प्रादुर्भावामुळे इंडियन प्रीमिअर लीगवर (Indian Premier League) अनिश्चितता कायम आहे. यंदा 29 मार्च पासून खेळाची सुरुवात होणार होती, पण पहिले टूर्नामेंट 15 एप्रिल पर्यंत स्थानगीत करण्यात आली आणि नंतर लॉकडाउन वाढवल्याने स्पर्धे पुढील सूचना येई पर्यंत पुढे ढकलण्यात आली. कोरोनामुळे क्रिकेटवर इतर खेळांप्रमाणे परिणाम झाला आहे. जगभरातील सर्व क्रिकेट बोर्डांना लॉकडाउन आणि सामने रद्द झाल्याने मोठे नुकसान झाले आहे, ज्यात बीसीसीआयचाही (BCCI) समावेश आहे. कोरोना संसर्गामुळे आयपीएल (IPL) रद्द झाल्यास बीसीसीआयला सुमारे 4,000 तोटी रुपयांचा नुकसान होण्याची शक्यता आहे. आयपीएल आयोजित करण्यासाठी सर्व प्रकारच्या योजना आणि पर्यायांवर बीसीसीआय काम करत आहे. तथापि, ही परिस्थिती अद्यापपर्यंत स्पष्ट झालेली नाही. अशा स्थितीत जर जगातील सर्वात लोकप्रिय टी-20 लीगचे आयोजन या वेळेस झाले नाही तर त्याचा भारतीय खेळाडूंवरही परिणाम होऊ शकतो. आयपीएल रद्द झाल्यास खेळाडूंच्या पगारात कपात करण्याचे संकेत बीसीसीआयचे अध्यक्ष सौरव गांगुली यांनी दिले आहेत. (IPL 2020 रद्द झाल्यास बीसीसीआयला होणार तब्बल 4000 कोटींचे नुकसान, कोषाध्यक्ष अरुण धूमल यांची माहिती)

गांगुली यांनी मिड-डे वृत्तपत्राशी बोलताना सूचित केले की आयपीएल रद्द झाल्यास खेळाडूंच्या पगारावर कपात होऊ शकते. गांगुली म्हणाले, "आमच्याकडे किती आर्थिक पैसा आहे आणि आम्ही त्याबद्दल निर्णय घेऊ, आमच्या आर्थिक स्थितीचे मूल्यांकन करावे लागेल. जर आयपीएलचे आयोजन केले नाही तर आम्हाला जवळपास 4 हजार कोटींचे नुकसान सहन करावे लागेल. जर आयपीएलचे आयोजन केले तर कोणतीही कपात केली जाणार नाही आणि आम्ही परिस्थिती हाताळू शकू." बीसीसीआयच्या ग्रेड सिस्टमनुसार ए + ग्रेडच्या खेळाडूंना वर्षासाठी 7 कोटी रुपये दिले जातात.

बीसीसीआयच्या बीसीसीआय सध्या भारत सरकारच्या अंतिम सूचनांच्या प्रतीक्षेत आहे. तिसऱ्या टप्प्याचा लॉकडाउन 17 मे रोजी संपणार आहे. यानंतर चौथ्या टप्प्यातील लॉकडाउन जाहीर करण्यात येणार आहे. या कालावधीत मंडळाला काही क्रियाकलाप सुरू करण्याची परवानगी देखील मिळू शकते.