OTT Content | (Representative image/ANI)

Streaming Platforms India: इवाय (EY आणि FICCI यांच्या नव्या अहवालानुसार (EY FICCI Report, 2024 मध्ये ओटीटी प्लॅटफॉर्म्सवर प्रीमियम कंटेंटमध्ये 12% घट झाली. स्ट्रीमिंग सेवा नफा मिळवण्यासाठी महागड्या प्रॉडक्शनवर खर्च कमी करत असल्याने ही घट झाली आहे. अहवालानुसार, 2025 मध्येही ओटीटी कंटेंटवर (Regional OTT Content) खर्चावर मोठा ताण जाणवण्याची शक्यता आहे, कारण Pay TV कुटुंब सतत कमी होत आहेत आणि ओटीटी प्लॅटफॉर्म्स आपली व्यवसायिक शाश्वतता टिकवण्यासाठी धडपड (Digital Media Trends) करत आहेत. ही घट खर्च तर्कसंगतीकरणाच्या प्रयत्नांशी जोडली गेली आहे, प्लॅटफॉर्म विस्तारापेक्षा कार्यक्षमतेवर अधिक लक्ष केंद्रित करत आहेत.

निर्मात्यांचे चित्रपटगृहांनाच प्राधान्य

ओटीटीवर थेट प्रदर्शित होणाऱ्या चित्रपटांच्या संख्येतही लक्षणीय घट झाली आहे. 2024 मध्ये फक्त 60 चित्रपट थेट डिजिटल प्लॅटफॉर्मवर प्रदर्शित झाले, तर एकूण सुमारे 500 चित्रपट ओटीटीवर प्रदर्शित झाले. याचा अर्थ बहुतेक निर्माते अजूनही थिएटरमध्ये प्रदर्शन पसंत करतात. 2024 मध्ये एकूण 1,600 हून अधिक चित्रपट प्रदर्शित झाले, यात सुमारे 200 डब केलेले चित्रपट समाविष्ट नाहीत. 2023 च्या तुलनेत ही संख्या 64 ने जास्त आहे, ज्यामुळे चित्रपटसृष्टी थोडीशी सावरताना दिसते.

एकूण कंटेंटपैकी 48% कंटेंट प्रादेशिक भाषांमध्ये

अहवालात आणखी नमूद केले आहे की ओटीटी प्लॅटफॉर्मवर प्रदर्शित झालेल्या कंटेंटपैकी 48% कंटेंट प्रादेशिक भाषांमध्ये होता. डब आणि सबटायटल असलेल्या कंटेंटचा कल वाढताना दिसतो, ज्यामुळे अधिक प्रेक्षकांपर्यंत पोहोचता येत आहे.

कमी खर्चीक सामग्रीवर भर

दरम्यान, पारंपरिक जनरल एंटरटेनमेंट चॅनेल्स (GECs) अजूनही टीव्हीवरील कंटेंट पाहण्यात आघाडीवर आहेत. 2024 मध्ये, बातम्या वगळता, एकूण टीव्ही पाहण्यात 65% वेळ ही GECs चा वाटा होता. आगामी काळात, 2025 मध्ये ओटीटी कंटेंटच्या प्रमाणात वाढ होईल, पण सरासरी उत्पादन खर्च कमी असेल, असेही अहवालात नमूद केले आहे. आर्थिक स्थैर्य राखण्यासाठी प्लॅटफॉर्म्स खर्चिक नसलेल्या कंटेंटवर भर देतील.

'2025 मध्ये ओटीटी कंटेंटचे प्रमाण वाढण्याची शक्यता आहे, परंतु उत्पादन खर्च सरासरीपेक्षा कमी राहील,' असे अहवालात म्हटले आहे. भारतामध्ये डिजिटल व्हिडिओ कंटेंट पाहण्याच्या संधी अधिक असल्याचेही यात नमूद करण्यात आले आहे. देशात मोठ्या आणि लहान स्क्रीनची संख्या लक्षणीयरीत्या वाढणार आहे. 2030 पर्यंत मोठ्या स्क्रीन (टीव्ही इ.) ची संख्या 200 दशलक्ष ओलांडण्याची शक्यता आहे, तर स्मार्टफोनसारख्या लहान स्क्रीनची संख्या जवळपास 700 दशलक्षपर्यंत पोहोचेल.

ही वाढती डिजिटल पायाभूत सुविधा कंटेंट पाहणाऱ्या प्रेक्षकांच्या संख्येत वाढ करण्यास मदत करेल. EY-FICCI च्या अंदाजानुसार, सबस्क्रायब करणाऱ्या घरांची संख्या 2024 मधील 47 दशलक्षवरून 2027 पर्यंत 65 दशलक्षच्या पुढे जाण्याची शक्यता आहे. याला वाढते प्रति व्यक्ति उत्पन्न, स्मार्ट टीव्हीची वाढती उपलब्धता आणि स्वस्त ब्रॉडबँड हे घटक कारणीभूत ठरतील. हा अहवाल भारताच्या बदलत्या डिजिटल मीडिया आणि स्ट्रीमिंग प्लॅटफॉर्मच्या धोरणांवर प्रकाश टाकतो.