Anil Kumble पुन्हा बनू शकतात टीम इंडिया कोच, 4 वर्षांपूर्वी कोहलीसोबत झाले होते मतभेद; ‘या’ माजी दिग्गज फलंदाजाचे नावही शर्यतीत
शास्त्रींच्या जागी मुख्य प्रशिक्षकपदाच्या शर्यतीत अनिल कुंबळे आणि व्हीव्हीएस लक्ष्मण या दोन माजी भारतीय क्रिकेटपटूंची नावे चर्चेत आहेत. बीसीसीआय लवकरच कुंबळे आणि लक्ष्मण यांच्याशी संपर्क साधू शकते.
Indian Cricket Team Head Coach: टी-20 विश्वचषक (T20 World Cup) 2021 ऑक्टोबर-नोव्हेंबरमध्ये होणार आहे. या स्पर्धेनंतर भारतीय संघाच्या (Indian Team) कोचिंग स्टाफमध्ये मोठा बदल होणार आहे. मुख्य प्रशिक्षक रवि शास्त्री (Ravi Shastri), फलंदाजी, गोलंदाजी आणि क्षेत्ररक्षण प्रशिक्षकाचा कार्यकाळ देखील संपुष्टात येणार आहे अशा स्थितीत या पदांसाठी अनेक माजी क्रिकेटपटूंची नावे चर्चेत आली आहेत. शास्त्रींच्या जागी मुख्य प्रशिक्षकपदाच्या शर्यतीत अनिल कुंबळे (Anil Kumble) आणि व्हीव्हीएस लक्ष्मण (VVS Laxman) या दोन माजी भारतीय क्रिकेटपटूंची नावे चर्चेत आहेत. असे म्हटले जात आहे की भारतीय क्रिकेट नियामक मंडळ (BCCI) कुंबळे आणि लक्ष्मण यांच्याशी संपर्क साधू शकते. बीसीसीआयच्या या निर्णयामुळे कर्णधार विराट कोहलीच्या अडचणीत वाढ होऊ शकते. 2017 मध्ये कुंबळेने टीम इंडियाच्या (Team India) मुख्य प्रशिक्षकपदाचा राजीनामा दिला होता. त्यानंतर त्यांच्या आणि कोहली यांच्यातील दुरावाच्या बातम्या मीडिया रिपोर्ट्समधून समोर आल्या. विराट कोहलीने (Virat Kohli) गुरुवारी टी-20 विश्वचषक 2021 नंतर भारतीय टी-20 संघाचे कर्णधारपद सोडण्याची घोषणा केली. (Ravi Shastri टीम इंडियाची साथ सोडण्याची शक्यता, T20 वर्ल्ड कपनंतर भारतीय क्रिकेट संघात होणार बदल)
पीटीसीआयच्या अहवालानुसार, बीसीसीआयच्या एका वरिष्ठ सूत्राने सांगितले, “अनिल कुंबळेच्या एक्झिट एपिसोडमध्ये सुधारणा करणे आवश्यक आहे. प्रशासकांच्या समितीने (सीओए) ज्या पातळीवर कोहलीला त्याच्या दबावाखाली काढले ते चांगले उदाहरण नव्हते. तथापि कुंबळे व लक्ष्मण प्रशिक्षकासाठी अर्ज करण्यास सहमत होतील की नाही यावर देखील अवलंबून आहे.” कुंबळेने एकदा सांगितले होते की, प्रशिक्षक म्हणून त्यांचा कार्यकाळ अधिक चांगल्या प्रकारे संपुष्टात येऊ शकला असता. कुंबळे यांनी भारतासाठी 132 कसोटीत 619 आणि 271 वनडे सामन्यांमध्ये 337 विकेट्स घेतल्या आहेत. कुंबळे एक वर्ष टीम इंडियाचे मुख्य प्रशिक्षक होते. 2016-17 दरम्यान त्यांनी प्रशिक्षकाची धुरा सांभाळली होती. तथापि, चॅम्पियन्स ट्रॉफी फायनल सामन्यात कर्णधार विराट कोहलीशी कडवट मतभेद झाल्यामुळे कुंबळेने राजीनामा दिला. विशेष म्हणजे कुंबळेच्या कार्यकाळात भारतीय कसोटी संघ खूप मजबूत झाला होता. त्यांच्या प्रशिक्षकपदात भारतीय संघाने 17 पैकी फक्त एक कसोटी गमावली होती.
बीसीसीआयच्या उच्चपदस्थांसाठी एक नामांकित भारतीय प्रशिक्षक नेहमीच पहिली पसंती असतो आणि कुंबळे व लक्ष्मण दोघेही भारतीय क्रिकेटमध्ये त्यांच्या प्रतिष्ठेसह 100 पेक्षा अधिक कसोटी सामन्यांसह कोचिंगच्या अनुभवासह योग्य प्रकारे फिट होतात. परदेशी प्रशिक्षक हा दुसरा पर्याय आहे. “बीसीसीआयच्या प्रशिक्षकाच्या नोकरीचे निकष असे असतील की खेळाडू म्हणून खूप चांगले रेकॉर्ड असलेले काही निवडक तसेच प्रशिक्षक/मार्गदर्शनाचा अनुभव उच्च पदासाठी अर्ज करू शकतात,” सूत्रांनी सांगितले.