IPL Final 2024: क्रिकेट चाहत्यांसाठी वाईट बातमी! फायनलपूर्वी चेपॉकमध्ये मुसळधार पाऊस, विजेतेपदाच्या सामन्याबाबतचे नियम घ्या जाणून
फायनलच्या एक दिवस आधी म्हणजे शनिवार, 25 मे रोजी चेपॉकमध्ये मुसळधार पाऊस पडत आहे. पावसामुळे सामना वाहून गेला, तर फायनलचा निर्णय कसा होईल, हे जाणून घेऊया.
SRH vs KKR IPL 2024 Final: आयपीएल 2024 चा अंतिम सामना (IPL 2024 Final) रविवार 26 मे रोजी चेन्नईच्या चेपॉक येथील एमए चिदंबरम स्टेडियमवर खेळवला जाईल. कोलकाता नाईट रायडर्स आणि सनरायझर्स हैदराबाद (KKR vs SRH) हे संघ विजेतेपदाच्या लढाईत आमनेसामने असतील. पण या सामन्यापूर्वी चेपॉकमधून चाहत्यांसाठी एक वाईट बातमी समोर आली आहे. वास्तविक, फायनलच्या एक दिवस आधी म्हणजे शनिवार, 25 मे रोजी चेपॉकमध्ये मुसळधार पाऊस पडत आहे. पावसामुळे सामना वाहून गेला, तर फायनलचा निर्णय कसा होईल, हे जाणून घेऊया. चेपॉक स्टेडियमचा एक व्हिडिओ सोशल मीडियावर व्हायरल झाला आहे, ज्यामध्ये मुसळधार पाऊस दिसत आहे. पावसामुळे केकेआरचे सराव सत्र रद्द करण्यात आले. चेन्नई आणि हैदराबाद यांच्यात खेळल्या गेलेल्या सामन्यासाठी हे दृश्य खूपच वाईट आहे.
पावसाने खेळ खराब केला तर विजेता कसा ठरणार?
आयपीएल 2023 च्या अंतिम फेरीतही पावसाने हस्तक्षेप केला होता. पावसामुळे सामना दुसऱ्या दिवशी म्हणजेच राखीव दिवशी पूर्ण झाला. पण यावेळी, आयपीएल 2024 च्या फायनलबाबत कोणतीही अधिकृत माहिती समोर आलेली नाही की, विजेतेपदाच्या सामन्यासाठी राखीव दिवस असेल की नाही. पावसाने सामन्यात व्यत्यय आणल्यास सामना किमान 5 षटकांचा करण्याचा प्रयत्न केला जाईल. 50 षटकांचा सामना न खेळल्यास सुपर ओव्हरद्वारे निर्णय घेतला जाऊ शकतो. पावसामुळे सुपर ओव्हर होऊ शकली नाही आणि राखीव दिवस ठेवला गेला नाही, तर पॉइंट टेबलमध्ये पहिल्या क्रमांकावर असलेल्या संघाला विजेता घोषित केले जाऊ शकते.
हे देखील वाचा: SRH vs KKR IPL 2024 Final: कोलकाता की हैदराबाद, आयपीएल 2024 चे विजेतेपद कोण जिंकणार? अंतिम सामन्यात 'या' खेळाडूंमध्ये होणार मोठी लढत
गेल्या मोसमात दोन्ही संघांची वाईट ठरली कामगिरी
कोलकाता नाईट रायडर्स आणि सनरायझर्स हैदराबाद या संघांनी फायनलमध्ये प्रवेश केला आहे. केकेआरने पहिला क्वालिफायर जिंकून अंतिम फेरीत प्रवेश केला, तर हैदराबादने दुसरा क्वालिफायर जिंकून अंतिम फेरीत स्थान निश्चित केले. मागील हंगामात म्हणजेच 2023 च्या आयपीएलमध्ये दोन्ही संघ प्लेऑफसाठी पात्र ठरले नव्हते.
(Social media brings you the latest breaking news, viral news from the world of social media including Twitter, Instagram and YouTube. The above post is embedded directly from the user's social media account. This body of content has not been edited or may not be edited by Latestly staff. Opinions appearing on social media posts and the facts do not reflect the opinions of Latestly, and Latestly assumes no responsibility for the same.)