IND vs AUS ODI Series 2023: एकदिवसीय मालिकेसाठी ऑस्ट्रेलिया संघ पोहोचला भारतात, मालिकेचे संपूर्ण वेळापत्रक, ठिकाण, वेळेसह जाणून घ्या सर्व तपशील

आयसीसी पुरुष विश्वचषक 2023 पूर्वी टीम इंडिया आणि ऑस्ट्रेलिया (IND vs AUS) यांच्यात 3 एकदिवसीय सामन्यांची मालिका (ODI  Series) खेळली जाईल. या मालिकेतील पहिला सामना शुक्रवारी म्हणजेच 22 सप्टेंबर रोजी होणार आहे. या महान सामन्यासाठी दोन्ही संघ मोहालीत आमनेसामने येणार आहेत. त्याचबरोबर या मालिकेसाठी ऑस्ट्रेलियन संघ भारतात पोहोचला आहे. ऑस्ट्रेलियाचा सलामीचा फलंदाज डेव्हिड वॉर्नरने सोशल मीडियावर ही पोस्ट शेअर केली आहे. (हे देखील वाचा: ICC ODI Rankings Shubman Gill: शुभमन गिलकडे एकदिवसीय क्रिकेटमध्ये जगातील नंबर वन फलंदाज बनण्याची सुवर्णसंधी, जाणून घ्या संपूर्ण समीकरण)

एका सोशल मीडिया पोस्टमध्ये ऑस्ट्रेलियाचा सलामीवीर डेव्हिड वॉर्नरने लिहिले आहे की, पुन्हा एकदा भारतात येऊन बरे वाटले. वॉर्नरने पुढे लिहिले आहे की, आम्हाला भारतात खूप सुरक्षित वाटत आहे, यासाठी धन्यवाद... मात्र, डेव्हिड वॉर्नरची पोस्ट सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया यूजर्स सतत कमेंट करून आपला फीडबॅक देत आहेत.

एकदिवसीय मालिकेचे पूर्ण वेळापत्रक

टीम इंडिया आणि ऑस्ट्रेलिया यांच्यातील 3 वनडे मालिकेतील पहिला सामना 22 सप्टेंबर रोजी मोहाली येथे खेळवला जाईल. यानंतर दोन्ही संघांमधील दुसरा सामना 24 सप्टेंबर रोजी इंदूरमध्ये होणार आहे. तर या मालिकेतील तिसरा आणि शेवटचा सामना 27 सप्टेंबर रोजी राजकोटमध्ये होणार आहे. टीम इंडिया आणि ऑस्ट्रेलिया मालिकेतील तिन्ही सामने भारतीय वेळेनुसार दुपारी 1.30 पासून खेळवले जातील. खरे तर आयसीसी विश्वचषकापूर्वी ही मालिका टीम इंडिया आणि ऑस्ट्रेलियासाठी खूप महत्त्वाची मानली जात आहे.

पहिला वनडे: टीम इंडिया विरुद्ध ऑस्ट्रेलिया, 22 सप्टेंबर 2023 (शुक्रवार), मोहाली, दुपारी 1:30 वाजता

दुसरी वनडे: टीम इंडिया विरुद्ध ऑस्ट्रेलिया, 24 सप्टेंबर 2023 (रविवार), इंदूर, दुपारी 1:30 वाजता

तिसरी वनडे: टीम इंडिया विरुद्ध ऑस्ट्रेलिया, 27 सप्टेंबर 2023 (बुधवार), राजकोट, दुपारी 1:30 वाजता

8 ऑक्टोबरला होणार सामना

टीम इंडिया आणि ऑस्ट्रेलिया यांच्यात 22 सप्टेंबरपासून तीन सामन्यांच्या वनडे मालिकेनंतर विश्वचषक खेळला जाणार आहे. टीम इंडिया आपल्या विश्वचषक मोहिमेची सुरुवात ऑस्ट्रेलियाविरुद्धच्या सामन्याने करणार आहे. टीम इंडिया आणि ऑस्ट्रेलिया यांच्यातील हा हाय व्होल्टेज सामना 8 ऑक्टोबरला खेळवला जाणार आहे. चेन्नईच्या चिदंबरम स्टेडियमवर दोन्ही संघ आमनेसामने येणार आहेत. अलीकडेच रोहित शर्माच्या नेतृत्वाखालील टीम इंडियाने फायनलमध्ये श्रीलंकेचा पराभव करून आशिया कप जिंकला होता. त्याचवेळी दक्षिण आफ्रिकेविरुद्धच्या 5 वनडे मालिकेत ऑस्ट्रेलियन संघाला 3-2 ने पराभवाला सामोरे जावे लागले.