Mohammad Siraj New Record: मोहम्मद सिराजकडे एकदिवसीय क्रमवारीत इतिहास रचण्याची सुवर्णसंधी, आशिया चषकात करु शकतो चमत्कार
टीम इंडिया दीर्घ काळानंतर वेगवान गोलंदाजी विभागात आपल्या पूर्ण क्षमतेसह मैदानावर दिसणार आहे, ज्यामध्ये मोहम्मद सिराज जसप्रीत बुमराह, मोहम्मद शमीसह गोलंदाजी करताना दिसणार आहे. टीम इंडियाचा युवा वेगवान गोलंदाज मोहम्मद सिराजला वेस्ट इंडिजविरुद्ध नुकत्याच पार पडलेल्या एकदिवसीय मालिकेदरम्यान पूर्णपणे तंदुरुस्त नसल्यामुळे विश्रांती देण्यात आली होती.
आशिया चषकाला (Asia Cup 2023) आजपासुन सुरवात झाली आहे. आज पहिला सामना पाकिस्तान विरुद्ध नेपाळ यांच्यात खेळवला जात आहे. टीम इंडिया दीर्घ काळानंतर वेगवान गोलंदाजी विभागात आपल्या पूर्ण क्षमतेसह मैदानावर दिसणार आहे, ज्यामध्ये मोहम्मद सिराज जसप्रीत बुमराह, मोहम्मद शमीसह गोलंदाजी करताना दिसणार आहे. टीम इंडियाचा युवा वेगवान गोलंदाज मोहम्मद सिराजला (Mohammad Siraj) वेस्ट इंडिजविरुद्ध नुकत्याच पार पडलेल्या एकदिवसीय मालिकेदरम्यान पूर्णपणे तंदुरुस्त नसल्यामुळे विश्रांती देण्यात आली होती. आता मोहम्मद सिराज आशिया कपमध्ये पुनरागमन करण्यासाठी सज्ज झाला असून तो या स्पर्धेतही मोठी कामगिरी करू शकतो. संघातील तिसरा वेगवान गोलंदाज म्हणून मोहम्मद सिराजचे खेळणे जवळपास निश्चित मानले जात आहे.
मोहम्मद सिराजला नंबर वन गोलंदाज बनण्याची सुवर्णसंधी
आयसीसी वनडे वेगवान गोलंदाजी क्रमवारीत मोहम्मद सिराज सध्या 670 गुणांसह 5व्या स्थानावर आहे. त्याचबरोबर ऑस्ट्रेलियाचा वेगवान गोलंदाज जोश हेझलवूड 705 गुणांसह क्रमवारीत पहिल्या क्रमांकावर आहे. दोन्ही खेळाडूंमध्ये 35 रेटिंग गुणांचा फरक असून मोहम्मद सिराजला नंबर वन गोलंदाज बनण्याची सुवर्णसंधी आहे. (हे देखील वाचा: Afghanistan's Asia Cup 2023 Squad Announced: आशिया कपसाठी अफगाणिस्तान संघ जाहीर, तीन दिग्गजांचे पुनरागमन, नूर अहमदलाही संधी)
मोहम्मद सिराज यांना करावे लागणार हे काम
आगामी आशिया कपमध्ये टीम इंडियाला 2 सप्टेंबरला पाकिस्तानविरुद्ध पहिला सामना खेळायचा आहे. त्याच वेळी, 4 सप्टेंबर रोजी हा संघ नेपाळविरुद्ध गटातील दुसरा सामना खेळणार आहे. सुपर 4 मध्ये टीम इंडियाचे आगमन जवळपास निश्चित मानले जात आहे. अशा स्थितीत टीम इंडियाला आणखी 3 सामने खेळण्याची संधी मिळणार आहे. अशा परिस्थितीत फायनलमध्ये पोहोचल्याने टीम इंडियाला एकूण 7 सामने खेळण्याची संधी मिळणार आहे. जर मोहम्मद सिराज त्याच्या चेंडूने अप्रतिम कामगिरी करण्यात यशस्वी ठरला तर त्याला प्रथम क्रमांक मिळू शकतो.