West Indies Cricket Team: वेस्ट इंडिज क्रिकेट संघाल येणार पुन्हा चांगले दिवस, दिग्गज खेळाडूने पुनरागमनाची केली घोषणा
वेस्ट इंडिज क्रिकेट संघाची (West Indies Cricket Team) सध्याची स्थिती चांगली नाही. गेल्या वर्षी ऑस्ट्रेलियात खेळल्या गेलेल्या टी-20 विश्वचषकात ते सुपर 12 मध्ये स्थान मिळवू शकले नाही. त्याच वेळी, कॅरेबियन संघ यावर्षी भारतात होणाऱ्या वनडे विश्वचषक 2023 (ODI World Cup 2023) साठी पात्र ठरू शकला नाही.
वेस्ट इंडिज क्रिकेट संघाची (West Indies Cricket Team) सध्याची स्थिती चांगली नाही. गेल्या वर्षी ऑस्ट्रेलियात खेळल्या गेलेल्या टी-20 विश्वचषकात ते सुपर 12 मध्ये स्थान मिळवू शकले नाही. त्याच वेळी, कॅरेबियन संघ यावर्षी भारतात होणाऱ्या वनडे विश्वचषक 2023 (ODI World Cup 2023) साठी पात्र ठरू शकला नाही. यामागचे मुख्य कारण म्हणजे त्यांचे प्रमुख खेळाडू आंतरराष्ट्रीय क्रिकेटपेक्षा फ्रँचायझी स्पर्धांमध्ये जास्त रस दाखवत आहेत. मात्र, वेस्ट इंडिज क्रिकेट संघाची ही अवस्था पाहून अष्टपैलू आंद्रे रसेलला (Andre Russell) खूप दु:ख झाले असून आता त्याने पुढील वर्षी वेस्ट इंडिज आणि अमेरिकेत होणाऱ्या टी-20 विश्वचषक स्पर्धेत देशाचे प्रतिनिधित्व करण्याची इच्छा व्यक्त केली आहे.
ऑब्झर्व्हरने आपल्या अहवालात दावा केला आहे की, रसेल पुढील टी-20 विश्वचषक खेळण्यासाठी वेस्ट इंडिज क्रिकेट संघासाठी उपलब्ध असेल. यासाठी तो फ्रँचायझी स्पर्धा सोडणार आहे. (हे देखील वाचा: IND vs WI 2nd Test 2023: त्रिनिदाद कसोटीत मोडणार अनेक विक्रम; विराट कोहली, रोहित शर्मा, राहणे, गिलला सुवर्ण संधी)
Andre Russell confirms that he is willing to give up franchise engagements to be available for T20 World Cup 2024. [Jamaica Observer] pic.twitter.com/J6sIaNLBv7
— Johns. (@CricCrazyJohns) July 18, 2023
वेस्ट इंडिज क्रिकेट बोर्ड आपल्या खेळाडूंना चांगला पगार देऊ शकत नाही. त्यामुळेच ते आंतरराष्ट्रीय क्रिकेट खेळण्याऐवजी टी-20 लीगमध्ये खेळण्यास प्राधान्य देतात. या यादीत एक-दोन नव्हे तर अनेक बड्या नावांचा समावेश आहे. आंद्रे रसेल, सुनील नरिन, निकोलस पूरन आणि शिमरॉन हेटमायर सारखे मोठे खेळाडू आहे. पगारावरून या खेळाडूंचे बोर्डाशी अनेकदा वाद झाले आहेत.
(The above story first appeared on LatestLY on Jul 19, 2023 02:18 PM IST. For more news and updates on politics, world, sports, entertainment and lifestyle, log on to our website latestly.com).
