Chinnaswamy Stadium Stampede: RCB च्या विजयी परेडला गालबोट! चिन्नास्वामी स्टेडियमबाहेरील चेंगराचेंगरीत 3 जणांचा मृत्यू, अनेक जखमी (Watch Video)

Chinnaswamy Stadium Stampede: बेंगळुरूमधील आरसीबीच्या विजय परेडला (RCB Vctory Parade) गालबोट लागल्याची घटना समोर आली आहे. एम. चिन्नास्वामी स्टेडियम (Chinnaswamy Stadium)जवळ रॉयल चॅलेंजर्स बेंगळुरूच्या आयपीएल जेतेपदाच्या विजयासाठी आयोजित केलेल्या विजयी परेडदरम्यान चेंगराचेंगरी (Stampede) झाली. वृत्तानुसार, स्टेडियमच्या प्रवेशद्वारावर झालेल्या गर्दीत किमान 3 जणांचा मृत्यू झाला असून अनेक जण जखमी झाले आहेत.

सर्व जखमींना उपचारासाठी रुग्णालयात हलवण्यात आले आहे. वृत्तसंस्था पीटीआयने शेअर केलेल्या एका दृश्यात चाहत्यांनी झाडांवर आणि बसेसवर गर्दी केली होती. चिन्नास्वामी स्टेडियमबाहेर संघ आरसीबीची झलक पाहण्यासाठी मोठी गर्दी जमली होती. वृत्तानुसार, काहींनी स्टेडियममध्ये प्रवेश करण्यासाठी गेट आणि कुंपण ओलांडून उडी मारली तेव्हा परिस्थिती नियंत्रणाबाहेर गेली.

चिन्नास्वामी स्टेडियम बाहेर चेंगराचेंगरी - 

We are all celebrating RCB's victory. More than 20 fans have already fallen ill due to stampede and crowding during the celebrations in Bengaluru, so the government should take appropriate safety measures. pic.twitter.com/CfYTg5mNxC

— Siddaram (@Siddaram_vg) June 4, 2025

VIDEO | Fans climb trees and buses as massive crowds gather outside Chinnaswamy Stadium to catch a glimpse of IPL 2025 champions, Royal Challengers Bengaluru.

(Full video available on PTI Videos - https://t.co/n147TvrpG7) pic.twitter.com/khqxFnpYRt

— Press Trust of India (@PTI_News) June 4, 2025

भारतीय जनता पक्षाच्या (भाजप) कर्नाटक युनिटने या घटनेबद्दल राज्य सरकारवर टीका केली आहे. X वरील एका पोस्टमध्ये भाजपने काँग्रेस सरकारवर निशाणा साधला आहे. या पोस्टमध्ये त्यांनी म्हटलं आहे की, 'सात जणांचा मृत्यू झाला आहे. काँग्रेस सरकारच्या बेजबाबदारपणामुळे झालेल्या चेंगराचेंगरीनंतर अनेक जण जीव मुठीत धरून आहेत. गर्दीवर नियंत्रण ठेवण्यासाठी कोणतेही उपाय नाहीत. मूलभूत व्यवस्था नाहीत. फक्त गोंधळ. निष्पाप लोक मृत्युमुखी पडत असताना, सिद्धरामय्या आणि डीके शिवकुमार रील शूट करण्यात आणि क्रिकेटपटूंसोबत प्रसिद्धी मिळवण्यात व्यस्त होते.'

(The above story first appeared on LatestLY on Jun 04, 2025 06:32 PM IST. For more news and updates on politics, world, sports, entertainment and lifestyle, log on to our website latestly.com).