GT vs DC: गुजरातविरुद्ध अमन खानने खेळली सर्वोत्तम अर्धशतकी खेळी, जाणून घ्या आतापर्यंतची त्याची कामगिरी
या सामन्यात अमन हकीम खान फलंदाजीला आला तेव्हा दिल्ली कॅपिटल्सने 23 धावांवर 5 विकेट गमावल्या होत्या.
आयपीएलचा (IPL) 16 वा मोसम दिल्ली कॅपिटल्ससाठी (DC) आतापर्यंत खूप वाईट सिद्ध झाला आहे. मात्र संघातील काही खेळाडूंच्या कामगिरीने सर्वांचे लक्ष वेधून घेण्याचे काम नक्कीच केले आहे. यामध्ये युवा अष्टपैलू खेळाडू अमन हकीम खानचेही (Aman Hakim Khan) नाव जोडले गेले आहे. गुजरात टायटन्स (GT) विरुद्धच्या सामन्यात अमनने संघाला कठीण परिस्थितीतून बाहेर काढण्यात आणि सन्मानजनक धावसंख्या गाठण्यात महत्त्वाची भूमिका बजावली. या सामन्यात अमन हकीम खान फलंदाजीला आला तेव्हा दिल्ली कॅपिटल्सने 23 धावांवर 5 विकेट गमावल्या होत्या.
यानंतर अमनने 44 चेंडूंत 3 चौकार आणि 3 षटकारांच्या मदतीने 51 धावांची उत्कृष्ट खेळी खेळत दिल्लीची धावसंख्या 130 धावांपर्यंत नेण्यात महत्त्वाची भूमिका बजावली. अमनबद्दल बोलताना, त्याला आपल्या संघात समाविष्ट करण्यासाठी, दिल्लीचे प्रशिक्षक रिकी पाँटिंग यांनी शार्दुल ठाकूरला केकेआरकडे दिले आणि त्याला संघाचा भाग बनवले. हेही वाचा GT vs DC: दिल्लीकडून गुजरातचा 5 धावांनी पराभव, हार्दिक पांड्याचं अर्धशतक आणि मोहम्मद शमीची शानदार गोलंदाजी ठरली व्यर्थ
26 वर्षीय अमन हकीम खान हा उजव्या हाताचा वेगवान गोलंदाज असून त्याला पॉवर हिटर म्हणूनही ओळखले जाते. दिल्ली संघाने त्याला या भूमिकेचा एक भाग बनवले, ज्यामध्ये तो अक्षर पटेलसह डाव चांगल्या प्रकारे पूर्ण करू शकला. अमनच्या आतापर्यंतच्या कारकिर्दीबद्दल बोलायचे झाले तर, त्याने देशांतर्गत क्रिकेटमध्ये आतापर्यंत 6 लिस्ट ए सामने खेळले आहेत.
ज्यामध्ये त्याने बॅटने एकूण 34 धावा केल्या आहेत, शिवाय बॉलने 2 विकेट्स घेतल्या आहेत. अमनने त्याच्या आयपीएल कारकिर्दीत आतापर्यंत एकूण 7 सामने खेळले आहेत, ज्यामध्ये त्याने 12.86 च्या सरासरीने एकूण 90 धावा केल्या आहेत, ज्यामध्ये आता अर्धशतकांच्या खेळीचा समावेश आहे.