Singer Rahat Fateh Ali Khan Arrested in Dubai: पाकिस्तानमधील प्रसिद्ध गायक राहत फतेह अली खानला दुबई विमानतळावरून अटक करण्यात आली आहे. खानला दुबईतील बुर्ज दुबई पोलिसांनी ताब्यात घेतले आहे. पाकिस्तानी मीडियाच्या वृत्तानुसार, राहत फतेह अली खानचा माजी व्यवस्थापक सलमान अहमद याच्या तक्रारीनंतर ही अटक करण्यात आली आहे. सलमानने राहतविरुद्ध बदनामीची तक्रार दाखल केली आहे. काही महिन्यांपूर्वी वाद झाल्याने राहतने अहमदला बडतर्फ केल्याची माहिती सूत्रांकडून मिळाली आहे. अहवालातून समोर आले आहे की, राहत हा दुबईत विविध संगीत कार्यक्रमात परफॉर्म करण्यासाठी आला होता. आता राहत त्याच्या माजी व्यवस्थापकाशी सुरू असलेल्या तणावामुळे वादात सापडला आहे. सलमान अहमदने दुबई आणि इतर शहरांमध्ये खानविरोधात कायदेशीर खटले दाखल केले आहेत.

राहत फतेह अली खान हे प्रसिद्ध गायक आहेत, ज्यांचे जगभरात प्रचंड चाहते आहेत. आपल्या अनोख्या गायनाने त्यांनी पाकिस्तानातच नाही तर भारतात आणि जगभरात नाव कमावले आहे. बॉलीवूडमध्ये त्यांनी गायलेली अनेक गाणी आजही खूप लोकप्रिय आहेत. (हेही वाचा: Brazilian Singer Ayres Sasaki Dies: ब्राझिलियन गायक आयरेस सासाकी यांचे लाइव्ह परफॉर्मन्स दरम्यान निधन; शेवटची इंस्टाग्राम पोस्ट व्हायरल)

पहा पोस्ट-

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)