Internet Shut Down in Pakistan: इम्रान खानच्या समर्थकांच्या ऑनलाइन रॅलीपूर्वी पाकिस्तानमध्ये सोशल मीडिया प्लॅटफॉर्म X, Facebook, Instagram आणि YouTube झाले बंद

पाकिस्तानातून (Pakistan) एक मोठी बातमी समोर आली आहे. इम्रान खानच्या समर्थकांच्या ऑनलाइन रॅलीमुळे X, Facebook, Instagram आणि YouTube सारखे सोशल मीडिया प्लॅटफॉर्म बंद करण्यात आले आहेत, जेणेकरून इम्रान खानचे समर्थक त्यांच्या रॅलीला ऑनलाइन पाठिंबा देऊ शकणार नाहीत. माहितीनुसार, रविवारी रात्री 8 नंतर लाहोर, कराची आणि इस्लामाबादमधील सोशल मीडिया प्लॅटफॉर्मवर प्रवेश करण्यात अडचण आल्याची माहिती युजर्सनी दिली. मीडिया प्लॅटफॉर्मवर प्रवेश करू शकत नसल्यामुळे वापरकर्ते इंटरनेट सेवांबद्दल देखील तक्रार करत आहेत. मात्र, असे का घडले याबाबत पाकिस्तान टेलिकम्युनिकेशन अथॉरिटी (PTA) कडून अद्याप कोणतेही स्पष्टीकरण आलेले नाही.

इंटरनेट मॉनिटर नेटब्लॉक्सच्या म्हणण्यानुसार, पाकिस्तानला X, Facebook, Instagram आणि YouTube यासह सोशल मीडिया प्लॅटफॉर्ममध्ये देशव्यापी व्यत्ययाचा सामना करावा लागला. पीटीआय पक्षाने आयोजित केलेल्या आभासी रॅलीच्या आधी ही घटना घडली. पाकिस्तानने इंटरनेट निर्बंधांचा सामना करण्याची ही पहिलीच वेळ नाही. याआधी 2023 च्या पहिल्या सहामाहीत असे निर्बंध लादण्याबाबत देश जागतिक स्तरावर तिसऱ्या क्रमांकावर होता. (हेही वाचा: Imran Khan had Illicit Relationship' With Bushra: इम्रान खान आणि बुशरा बीवी यांच्या विवाहापूर्वीच्या संबंधावर प्रश्नचिन्ह)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)