Indian Students Arrested In US: न्यू जर्सीमध्ये दुकानातून चोरी केल्याप्रकरणी दोन भारतीय विद्यार्थिनींना अटक
यातील एका मुलीने चोरीच्या सामानासाठी दुप्पट पैसे मोजण्याची तयारी दर्शवली, तर दुसऱ्या मुलीने माफी मागून अशी चूक पुन्हा होणार नसल्याची ग्वाही दिली.
Indian Students Arrested In US: अमेरिकेतील न्यू जर्सी येथे शिकणाऱ्या दोन भारतीय विद्यार्थिनींना पोलिसांनी दुकानातून चोरी केल्याप्रकरणी अटक केली आहे. यातील 20 वर्षांच्या मुलीने पुढील शिक्षणासाठी अमेरिकेला जाण्यापूर्वी हैदराबादमध्ये शिक्षण घेतले होते. तर दुसरी 22 मुलगी आंध्र प्रदेशातील गुंटूर येथील रहिवासी आहे. 19 मार्च रोजी या दोन्ही मुली पैसे न देता शॉपराईट या दुकानातून वस्तू घेऊन जात होत्या, मात्र ही बाब दुकान व्यवस्थापनाच्या लक्षात आली. त्यानंतर त्यांनी होबोकेन पोलिसांना याची माहिती दिली. त्यानंतर होबोकेन शहर पोलीस घटनास्थळी पोहोचले आणि त्यांनी मुलींना समजावून सांगितले की, दुकानातून चोरी करणे हा गुन्हा आहे आणि यासाठी त्यांना न्यायालयात हजार केले जाऊ शकते.
यातील एका मुलीने चोरीच्या सामानासाठी दुप्पट पैसे मोजण्याची तयारी दर्शवली, तर दुसऱ्या मुलीने माफी मागून अशी चूक पुन्हा होणार नसल्याची ग्वाही दिली. मात्र पोलिसांनी त्यांना नियम समजावून सांगून अटक केली. (हेही वाचा: नेस्ले कंपनी वादात, लहान मुलांच्या खाद्यपदार्थांमध्ये साखरेचा समावेश; भारतासह दुर्बल देशांमध्ये विक्री- रिपोर्ट)