France's Youngest, First Gay PM: Gabriel Attal बनले फ्रान्सचे सर्वात तरुण आणि पहिले समलैंगिक पंतप्रधान; अवघ्या 34 व्या वर्षी स्वीकारणार देशाचा भार
अनेक सर्वेक्षणांमध्ये गॅब्रिएल अटल यांचे सर्वात लोकप्रिय सरकारी मंत्र्यांपैकी एक म्हणून वर्णन करण्यात आले आहे. मार्च 1989 मध्ये जन्मलेले तरुण फ्रेंच नेते अटल सध्या शिक्षण आणि युवा व्यवहार मंत्रालय पाहत आहेत.
France's Youngest, First Gay PM: शिक्षण मंत्री गॅब्रिएल अटल यांची मंगळवारी (9 जानेवारी) राष्ट्राध्यक्ष इमॅन्युएल मॅक्रॉन यांनी फ्रान्सचे नवीन पंतप्रधान म्हणून नियुक्ती केली. यासह गॅब्रिएल (34 वर्षे) हे फ्रान्सचे आतापर्यंतचे सर्वात तरुण आणि समलैंगिक पंतप्रधान ठरले आहेत. त्यांनी एलिझाबेथ बॉर्नची जागा घेतली आहे. इमिग्रेशनमुळे अलीकडेच उद्भवलेल्या राजकीय तणावामुळे एलिझाबेथ बॉर्न यांनी सोमवारी (8 जानेवारी) पंतप्रधानपदाचा राजीनामा दिला होता. सोमवारी रात्री उशिरा राष्ट्राध्यक्ष इमॅन्युएल मॅक्रॉन यांनी फ्रान्सच्या निवर्तमान पंतप्रधान एलिझाबेथ बोर्न यांचा राजीनामा स्वीकारला.
अनेक सर्वेक्षणांमध्ये गॅब्रिएल अटल यांचे सर्वात लोकप्रिय सरकारी मंत्र्यांपैकी एक म्हणून वर्णन करण्यात आले आहे. मार्च 1989 मध्ये जन्मलेले तरुण फ्रेंच नेते अटल सध्या शिक्षण आणि युवा व्यवहार मंत्रालय पाहत आहेत. याआधी ते सुमारे दोन वर्षे सरकारचे प्रवक्तेही होते. वयाच्या 32 व्या वर्षी ते मंत्री झाले. त्यांचे वडील ज्यू वंशाचे असल्याचे म्हटले जाते तर त्याच्या आईचे पूर्वज ग्रीक-रशियन होते. त्यांचे वडील वकील आणि चित्रपट निर्माता होते. आई एका चित्रपट निर्मिती कंपनीत काम करत होती. (हेही वाचा: German Farmers Protest: जर्मन सरकारविरोधात शेतकरी आक्रमक, ट्रॅक्टर्ससह रस्त्यावर उतरत आंदोलन)
#GabrielAttal #France pic.twitter.com/KqMuLtqAdz
— NDTV (@ndtv) January 9, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jan 09, 2024 06:01 PM IST. For more news and updates on politics, world, sports, entertainment and lifestyle, log on to our website latestly.com).
