Donald Trump Disqualified: डोनाल्ड ट्रम्पला मोठा झटका, न्यायालयाने राष्ट्राध्यक्षपदासाठी केले अपात्र घोषित, निवडणूक लढवता येणार नाही

अमेरिकेत पुढील वर्षी होणाऱ्या अध्यक्षीय निवडणुकीपूर्वी माजी राष्ट्राध्यक्ष डोनाल्ड ट्रम्प (Donald Trump) यांना मोठा झटका बसला आहे. अमेरिकेतील कोलोरॅडो कोर्टाने कॅपिटल हिंसाचार प्रकरणात आपला निर्णय दिला असून ट्रम्प यांना राष्ट्राध्यक्षपदासाठी अपात्र घोषित केले आहे. कोर्टाने डोनाल्ड ट्रम्प यांना मतदानासाठीही अपात्र ठरवले आहे. याचा अर्थ आता डोनाल्ड ट्रम्प पुढील वर्षी (US President Election 2024) होणाऱ्या राष्ट्राध्यक्षपदाच्या निवडणुकीत रिपब्लिकन पक्षाच्यावतीने लढू शकणार नाहीत किंवा त्यांना मतदानही करता येणार नाही. राष्ट्रपती पदाच्या उमेदवाराला अपात्र ठरवण्यासाठी घटनेतील 14व्या दुरुस्तीच्या कलम 3 चा वापर करण्याची अमेरिकेच्या इतिहासात ही पहिलीच वेळ आहे. खाली आपण कोलोरॅडो न्यायालयाचे प्रमुख निर्णय पाहू शकता.

पाहा पोस्ट -