Twitter Verification New Update 2023: एलॉन मस्कचा मोठा निर्णय, आजपासून हटवले जाणार ब्लू टिक

Twitter Verification New Update 2023:  एलॉन मस्कने नुकतेच एका ट्विटद्वारे माहिती दिली की, तुमचे ट्विटर ब्लू टिक कधीपासून हटवले जाईल. जर तुम्ही देखील ट्विटर वापरकर्ते असाल तर तुम्हाला आता ब्लू टिकसाठी पैसे द्यावे लागतील. सीईओ एलॉन मस्क यांनी म्हटले आहे की जे वापरकर्ते पैसे देत नाहीत त्यांना ब्लू टिकचा लाभ मिळणार नाही.

एलॉन मस्क यांनी सांगितले होते की 20 एप्रिलपासून ट्विटरवरील लेगसी ब्लू टिक मार्क व्हेरिफाईड अकाऊंटमधून काढून टाकले जाईल. त्यांनी आपल्या ट्विटमध्ये म्हटले आहे की, "20 एप्रिलपासून लेगसी ब्लू टिकमार्क काढले जातील." तसेच, जर ब्लू टिक आवश्यक असेल तर मासिक शुल्क भरावे लागेल, त्यानंतरच खात्यावर ब्लू टिक चिन्ह राहील.