IPL 2022 SRH vs RR: राजस्थान रॉयल्सचा सनरायझर्स हैदराबादवर 61 धावांनी विजय

पुण्यातील महाराष्ट्र क्रिकेट असोसिएशन स्टेडियमवर खेळल्या गेलेल्या आयपीएल 2022 च्या पाचव्या सामन्यात राजस्थान रॉयल्सने सनरायझर्स हैदराबादचा 61 धावांनी पराभव केला. फलंदाजांच्या उत्कृष्ट कामगिरीनंतर गोलंदाजांनीही राजस्थानसाठी आश्चर्यकारक कामगिरी केली. युझवेंद्र चहलने तीन आणि प्रसिद्ध कृष्णाने दोन बळी घेतले. कर्णधार संजू सॅमसनचे झंझावाती अर्धशतक आणि शिमरॉन हेटमायरच्या धडाकेबाज खेळीमुळे राजस्थान रॉयल्सने 20 षटकांत 6 बाद 210 धावा केल्या.  प्रत्युत्तरात सनरायझर्स हैदराबाद संघाला निर्धारित षटकांत केवळ 149 धावा करता आल्या.