Hangzhou Asian Games 2023: भारतीय नेमबाजांची प्रशंसनीय कामगिरी, पुरुष संघाने 10 मीटर एअर पिस्तूलमध्ये जिंकले सुवर्णपदक
आशियाई क्रीडा स्पर्धेच्या पाचव्या दिवशी भारतीय पुरुष नेमबाज संघाने 10 मीटर एअर पिस्तूलमध्ये सुवर्णपदक पटकावले. सरबज्योत सिंग, शिव नरवाल आणि अर्जुन सिंग चीमा या भारतीय त्रिकुटाने चीनचा एका गुणाने पराभव करत एकूण 1734 गुणांसह सांघिक सुवर्णपदक जिंकले.
Hangzhou Asian Games 2023: यंदाच्या आशियाई क्रीडा स्पर्धेत भारतीय खेळाडूंनी चमकदार कामगिरी केली आहे. भारताने आतापर्यंत नेमबाजीत 13 पदके जिंकली आहेत. भारताने एकूण 24 पदके जिंकली आहेत. यातील निम्म्याहून अधिक पदके नेमबाजीत आली आहेत. भारतीय नेमबाजांनी चार सुवर्णपदके जिंकली आहेत, तर भारताच्या खात्यात एकूण सहा सुवर्णपदके आहेत, आशियाई क्रीडा स्पर्धेच्या पाचव्या दिवशी भारतीय पुरुष नेमबाज संघाने 10 मीटर एअर पिस्तूलमध्ये सुवर्णपदक पटकावले. सरबज्योत सिंग, शिव नरवाल आणि अर्जुन सिंग चीमा या भारतीय त्रिकुटाने चीनचा एका गुणाने पराभव करत एकूण 1734 गुणांसह सांघिक सुवर्णपदक जिंकले. व्हिएतनामने 1730 सह कांस्यपदक जिंकले. सरबजोत (580) आणि अर्जुन (578) अनुक्रमे 5 व्या आणि 8 व्या स्थानावर राहिले आणि वैयक्तिक स्पर्धेच्या अंतिम फेरीसाठी पात्र ठरले. शिवा (576) 14 व्या स्थानावर राहिला.