Yashasvi Jaiswal Century: यशस्वी जैस्वालने झळकावले आयपीएलमधील पहिले शतक, राजस्थानची धावसंख्या 200 धावांच्या जवळ
आयपीएलच्या इतिहासात मुंबई इंडियन्स आणि राजस्थान रॉयल्स हे संघ 28 वेळा आमनेसामने आले आहेत. रोहित शर्माच्या नेतृत्वाखालील मुंबई इंडियन्सचा वरचष्मा असल्याचे आकडेवारीवरून दिसून येते.
MI vs RR, IPL 2023 Live Score Update: इंडियन प्रीमियर लीगच्या 16 व्या मोसमातील 42 वा सामना आज मुंबई इंडियन्स आणि राजस्थान रॉयल्स यांच्यात खेळला जात आहे. दोन्ही संघांमधील हा सामना मुंबईतील वानखेडे स्टेडियमवर खेळला जात आहे. आयपीएलच्या इतिहासात मुंबई इंडियन्स आणि राजस्थान रॉयल्स हे संघ 28 वेळा आमनेसामने आले आहेत. रोहित शर्माच्या नेतृत्वाखालील मुंबई इंडियन्सचा वरचष्मा असल्याचे आकडेवारीवरून दिसून येते. सध्या राजस्थान रॉयल्स पॉइंट टेबलमध्ये दुसऱ्या क्रमांकावर आहे तर मुंबई इंडियन्स आठव्या क्रमांकावर आहे. या सामन्यात दोन्ही संघांमध्ये चुरशीची लढत होणार आहे. दरम्यान, राजस्थान रॉयल्सचा कर्णधार संजू सॅमसनने नाणेफेक जिंकून प्रथम फलंदाजी करण्याचा निर्णय घेतला आहे. नाणेफेक जिंकून प्रथम फलंदाजीसाठी उतरलेल्या राजस्थान रॉयल्स संघाचा सलामीवीर यशस्वी जैस्वालने 53 चेंडूत आपले शतक पूर्ण केले. राजस्थान रॉयल्स संघाचा स्कोअर 184/6.